దేశంలో కరోనా విలయతాండవం చేస్తున్న వేళ.. సరిహద్దుల్లో ఘర్షణలు సృష్టించేందుకు పాక్, చైనా కుయుక్తులు పన్నుతున్నాయని మండిపడ్డారు రక్షణ మంత్రి రాజ్నాథ్ సింగ్. సరిహద్దు రహదారి సంస్థ (బీఆర్ఓ) పూర్తి చేసిన కీలక వంతెనలను ప్రారంభించిన తర్వాత ఈ వ్యాఖ్యలు చేశారు.
"కరోనా కారణంగా దేశం అనేక సమస్యలను ఎదుర్కొంటోంది. వ్యవసాయ రంగం, ఆర్థిక వ్యవస్థ, పారిశ్రామిక, జాతీయ భద్రత వంటి వాటిని తీవ్రంగా ప్రభావితం చేసింది కొవిడ్. మరోవైపు సరిహద్దుల్లో వివాదాలు సృష్టించేందుకు పాక్, చైనా కుట్రలు పన్నుతున్నాయి."
- రాజ్నాథ్ సింగ్, రక్షణ మంత్రి
44 వంతెనలు ప్రారంభం
శత్రుదేశాల సమర్థంగా ఎదుర్కొనేందుకు వ్యూహాత్మక రహదారులు, వంతెనలను నిర్మాణాన్ని శరవేగంగా పూర్తి చేసింది భారత్. ఏడు సరిహద్దు రాష్ట్రాల్లో 44 కీలకమైన వంతెనలను వీడియో కాన్ఫరెన్స్ ద్వారా ప్రారంభించారు రక్షణమంత్రి. అరుణాచల్ ప్రదేశ్లోని తవాంగ్ రహదారిలోని నిచేఫూ సొరంగ మార్గం నిర్మాణానికి శంకుస్థాపన చేశారు. ఈ కార్యక్రమంలో త్రివిధ దళాధిపతి జనరల్ బిపిన్ రావత్ పాల్గొన్నారు.
ఇదీ చూడండి: కాంగ్రెస్కు ఖుష్బూ రాజీనామా.. భాజపాలో చేరిక!
