శానిటైజర్లు తయారు చేసేందుకు బియ్యం ఉపయోగించేందుకు అనుమతిచ్చింది కేంద్ర ప్రభుత్వం. ఈ నిర్ణయాన్ని తీవ్రంగా తప్పుబట్టారు కాంగ్రెస్ నాయకుడు రాహుల్ గాంధీ.
తిండి లేక దేశంలో ఎంతో మంది మరణిస్తున్నారని, అలాంటి వారి ఆకలి కేకలు పట్టించుకోకుండా ప్రభుత్వం ఇలాంటి నిర్ణయం తీసుకోవడం సరికాదన్నారు రాహుల్.
"దేశంలో పేద ప్రజలు ఎప్పటికి మేల్కొంటారు? ఓ వైపు మీరు ఆకలితో చనిపోతున్నారు. కానీ ప్రభుత్వం మీ ఆకలిని పట్టించుకోకుండా ధనవంతుల చేతులు శుభ్రం చేసేందుకు బియ్యాన్ని ఉపయోగించి శానిటైజర్ల తయారీకి సిద్ధమవుతోంది."
-- రాహుల్ గాంధీ, కాంగ్రెస్ నేత
దేశంలో శానిటైజర్ల తయారీకి మిగులు బియ్యాన్ని వాడటానికి ప్రభుత్వం పచ్చజెండా ఊపింది. ఫుడ్ కార్పొరేషన్ ఆఫ్ ఇండియా(ఎఫ్సీఐ)లో మిగిలే బియ్యంతో ఆల్కహాల్ ఆధారిత శానిటైజర్లు తయారు చేసేందుకు సోమవారమే అనుమతులు ఇచ్చింది.
ఇదీ చదవండి: కన్నబిడ్డను విడిచి ఒకరు.. కడుపులో బిడ్డతో మరొకరు!
