షోకాజ్ నోటీసుపై స్పందించడానికి ఈ వారాంతం వరకు సమయం ఇవ్వాలని కాంగ్రెస్ అధ్యక్షుడు రాహుల్గాంధీ ఎన్నికల సంఘాన్ని అభ్యర్థించారు. మధ్యప్రదేశ్లో జరిగిన ఓ ఎన్నికల బహిరంగ సభలో... 'మోదీ ప్రభుత్వం, గిరిజనులను చంపడానికి కొత్త చట్టాన్ని రూపొందించింది' అని రాహుల్గాంధీ వ్యాఖ్యానించారు. ఇది ఎన్నికల ప్రవర్తనా నియమావళి ఉల్లంఘన కిందికి వస్తుందని భాజపా ఈసీకి ఫిర్యాదు చేసింది. రాహుల్కు ఈసీ ఈ నెల1న షోకాజ్ నోటీసు జారీ చేసింది.
నోటీసుపై స్పందించడానికి తనకు ఈ నెల 7 వరకు సమయం ఇవ్వాలని ఈసీని గతంలో కోరారు రాహుల్. అందుకు ఎన్నికల సంఘం అనుమతించింది. తాజాగా ఈ గడువును ఈ వారాంతం వరకు పొడిగించాలని రాహుల్ మరోసారి అభ్యర్థించారు. ఈ అభ్యర్థనపై ఎన్నికల సంఘం ఇంకా ఏ నిర్ణయమూ తీసుకోలేదు.
మధ్యప్రదేశ్ షాదోల్లో ఏప్రిల్ 23న లోక్సభ ఎన్నికల ప్రచారంలో రాహుల్ పాల్గొన్నారు. 'మోదీ ప్రభుత్వం, గిరిజనులను చంపడానికి కొత్త చట్టాన్ని రూపొందించింది' అని వ్యాఖ్యానించారు. దీనిపై ఈసీకి భాజపా ఫిర్యాదు చేసింది. ఫలితంగా ఈనెల 1న రాహుల్కు ఈసీ షోకాజ్ నోటీసులు జారీచేసింది. రాజకీయ ప్రత్యర్థులపై నిరాధార ఆరోపణలు చేయడం పట్ల వివరణ ఇవ్వాలని ఆదేశించింది.
ఇదీ చూడండి: 'అంతర్గత విచారణ కమిటీ నివేదిక ప్రతి ఇవ్వండి'
