పరువు నష్టం కేసులో బిహార్ రాజధాని పట్నాలోని కోర్టుకు హాజరయ్యారు కాంగ్రెస్ మాజీ అధ్యక్షుడు రాహుల్ గాంధీ. కోర్టులో పనులు ముగించుకుని తిరుగు ప్రయాణంలో రాహుల్ గాంధీకి ఆకలి వేసిందిట. ఆకలిగా ఉన్నట్లు తనతో ఉన్న నాయకులతో చెప్పారట. తనకు 'దోశ' అంటే ఇష్టమని రాహుల్ చెప్పిన క్షణాల్లోనే కారు... పట్నాలోని ప్రసిద్ధ మౌర్య కాంప్లెక్స్ లోని బసంత్ విహార్ రెస్టారెంట్కి చేరుకొంది.
వెంటనే తన కాన్వాయ్ నుంచి దిగిన రాహుల్ పార్టీ నేతలు, కార్యకర్తలతో కలిసి దోశ తిన్నారు.
రాహుల్ కాన్వాయ్‌లో ఉన్న కాంగ్రెస్ ఎమ్మెల్యే అమిత్ కుమార్ ఆయనతో కలిసి ఆరగించారు. రెస్టారెంట్లోని ప్రసిద్ధ వంటకాలను ఆస్వాదించినట్లు తెలిపారు.
" కోర్టులో హాజరుకావాల్సి ఉండటం వల్ల రాహుల్ గాంధీ పట్నా వచ్చారు. కోర్టు పనులన్నీ ముగించుకున్న తరువాత ఇక్కడకు వచ్చి అందరితో కలిసి భోజనం చేశారు. సాధారణంగా మధ్యాహ్నం సమయం కావున ఆకలివేసి భోజనం చేశారు. బిహార్లో ఎక్కువ ప్రసిద్ధి చెందిన దోశ తిన్నారు. "
- అమిత్ కుమార్, కాంగ్రెస్ ఎమ్మెల్యే
రాహుల్ను కలిసేందుకు..
రాహుల్ గాంధీ రెస్టారెంట్కు వచ్చారని తెలిసి పెద్ద సంఖ్యలో పార్టీ కార్యకర్తలు, అభిమానులు అక్కడకు చేరుకున్నారు. రాహుల్ను కలిసి చేతులు కలిపేందుకు, సెల్ఫీలు తీసుకునేందుకు పోటీపడ్డారు.
ఇదీ చూడండి: కర్నాటకం: గోవాకు పయనమైన ఎమ్మెల్యేలు
