రైతుల సంక్షేమం కోసం కేంద్రప్రభుత్వం బడ్జెట్లో ఎలాంటి చర్యలు ప్రకటించలేదని ధ్వజమెత్తారు కాంగ్రెస్ ప్రధాన కార్యదర్శి ప్రియాంక గాంధీ. దేశంలో జరుగుతున్న రైతుల ఆత్మహత్యలే ఇందుకు నిదర్శనమని ఆమె అన్నారు.
ఉత్తర్ప్రదేశ్లోని బుందేల్ఖండ్లో ఓ రైతు ఆత్మహత్య కథనాలను ప్రస్తావిస్తూ ట్విట్టర్ వేదికగా కేంద్రంపై విమర్శలు గుప్పించారు ప్రియాంక.
"రైతుల సంక్షేమానికి సంబంధించి బడ్జెట్లో భాజపా ప్రభుత్వం కల్లబొల్లి మాటలు చెబుతోంది. బాందాలో రైతు ఆత్మహత్యే ఇందుకు నిదర్శనం.
రుణాల ఊబిలో కూరుకుపోయిన బుందేల్ఖ్ండ్ రైతుల ఆత్మహత్యలు ఆగడం లేదు. కానీ దీనిపై భాజపాకు ఎలాంటి బాధ లేదు."
-ప్రియాంక గాంధీ, కాంగ్రెస్ ప్రధాన కార్యదర్శి
