నమస్తే ట్రంప్​: ఆ రాత్రికయ్యే ఖర్చు ఎంతో తెలుసా?

అమెరికా అధ్యక్షుడు.. ప్రపంచంలోనే అత్యంత శక్తిమంతమైన, ప్రభావవంతమైన నాయకుల్లో ఒకరు. ఆ పదవిలో ఉండేవారి భద్రత గురించి వేరే చెప్పనక్కర్లేదనుకుంట. ఎంత పేరు ప్రతిష్ఠలుంటాయో.. ముప్పూ అదే స్థాయిలో ఉంటుంది. ఆయన కోసం ఏడాది పొడవునా సీక్రెట్​ సర్వీస్​ ఏజెన్సీ పనిచేస్తూనే ఉంటుంది. అంతటి నేత భారత పర్యటనకు వస్తే ఆతిథ్యం అదే స్థాయిలో ఉండాలి కదా మరి. ఆయన కోసం ప్రతి పనికీ భారీ మొత్తం వెచ్చించాల్సిందే. దిల్లీలో ట్రంప్​కు బస కల్పించనున్న ఆ హోటల్​లో ఒక రాత్రి కోసం ఎంత వెచ్చించనున్నారో తెలుసా..?

అమెరికా అధ్యక్షుడు డొనాల్డ్​ ట్రంప్​ సకుటుంబ సపరివార సమేతంగా తొలిసారి భారత పర్యటనకు విచ్చేస్తున్నారు. ఆయన రాక ఇప్పటికే దేశవ్యాప్తంగా ఎనలేని ప్రాధాన్యం సంతరించుకుంది. ఎక్కడ చూసినా ట్రంప్​ వార్తలే. ఆయన పర్యటించనున్న అహ్మదాబాద్​, ఆగ్రా, దిల్లీలో భద్రత, స్వాగతం కోసం కనీవిని ఎరుగని రీతిలో ఏర్పాట్లు చేస్తోంది భారత ప్రభుత్వం. ఈ నగరాల్లోని రోడ్లు, గోడలు, పరిసర ప్రాంతాలు, సందర్శనా స్థలాలకు కొత్త కళ సంతరించుకుంది. అంత సుందరంగా తయారయ్యాయి మరి.

తొలుత అహ్మదాబాద్, ఆగ్రా​ పర్యటన ముగిసిన అనంతరం 24న రాత్రి ట్రంప్​ ఎక్కడ విశ్రాంతి తీసుకుంటారు? ఆయన ఉండే హోటల్​ ఎక్కడ? దానికయ్యే ఖర్చు ఎంతో అందరికీ తెలుసుకోవాలనే ఉంటుంది కదా?

ఐటీసీ మౌర్య..

ట్రంప్ బస కోసం అత్యంత సురక్షితమైన, సుందరమైన ప్రదేశాన్ని ఎంపిక చేసింది భారత ప్రభుత్వం. 24న రాత్రి దిల్లీలోని ఐటీసీ మౌర్య హోటల్​లో ఉండనున్నారు డొనాల్డ్​ ట్రంప్​ దంపతులు. అదీ ప్రెసిడెన్షియల్​ స్వీట్​లో. ఇప్పుడు చాణక్య స్వీట్​గా పిలిచే ఈ గది అద్దె ఒక్క రాత్రికి అక్షరాలా రూ.8 లక్షలు. అవును ఒక్క రాత్రికి అంత వెచ్చిస్తుంది భారత సర్కార్​.

ఆగ్రాలోని తాజ్ మహల్​ను సందర్శించిన తర్వాత.. ట్రంప్​ దంపతులు దిల్లీ చాణక్యపురిలో ఉన్న ఈ ఐటీసీ మౌర్య హోటల్​కు చేరుకుంటారు. గ్రాండ్​ ప్రెసిడెన్షియల్​ ఫ్లోర్​లోని చాణక్య స్వీట్​లోనే సేదతీరుతారు.

ప్రత్యేకతలివే...

ఈ స్వీట్​ 4,600 చదరపు అడుగుల మేర విస్తరించి ఉంది. ఇక్కడ ఒక్క రాత్రికయ్యే ఖర్చు రూ. 8 లక్షలు. ఇక్కడ హైస్పీడ్​ లిఫ్ట్​, అధ్యక్షుడు మాత్రమే వెళ్లేలా ప్రత్యేక ప్రవేశ ద్వారం, స్వతంత్ర భద్రతా నియంత్రణ వ్యవస్థ ఏర్పాటు చేశారు. బుల్లెట్​ ప్రూఫ్​ అద్దాలతో బిగించిన కిటికీలూ ఉంటాయి. ప్రెసిడెన్షియల్​ ఫ్లోర్​ అంటే ఆ మాత్రం సురక్షితంగా ఉండాలి కదా.

మినీ స్పా, జిమ్​...

చాణక్య స్వీట్​లో రెండు గదులుంటాయి. పడుకునేందుకు, ఇతర పనులకు ఒక పెద్ద గది, 12 మంది కూర్చుని తినేలా వీలుండే మరో పెద్ద భోజన గది ఉంటాయి. ఇందులో చిన్నపాటి స్పా ఏర్పాటు చేశారు. వ్యాయామం కోసం జిమ్​ ఉండనే ఉంది.

• With a breathtaking view of Delhi's green belt, Ottimo at West View, ITC Maurya, New Delhi offers a range of the most exquisite flavours from contemporary western cuisine.
  
  For reservations, call 011 - 66325152 pic.twitter.com/EtJVA3siqh

  — ITC Hotels (@ITCHotels) January 12, 2020 " class="align-text-top noRightClick twitterSection" data="

  With a breathtaking view of Delhi's green belt, Ottimo at West View, ITC Maurya, New Delhi offers a range of the most exquisite flavours from contemporary western cuisine.
  
  For reservations, call 011 - 66325152 pic.twitter.com/EtJVA3siqh

  — ITC Hotels (@ITCHotels) January 12, 2020

  ">

  With a breathtaking view of Delhi's green belt, Ottimo at West View, ITC Maurya, New Delhi offers a range of the most exquisite flavours from contemporary western cuisine.
  
  For reservations, call 011 - 66325152 pic.twitter.com/EtJVA3siqh

  — ITC Hotels (@ITCHotels) January 12, 2020

ప్రెసిడెన్షియల్​ స్వీట్​లో వ్యక్తిగత పనుల కోసం బిజినెస్​ కోర్ట్​యార్డ్​, సమ్మిట్​ లాంజ్​, ప్రైవేట్​ బోర్డ్​రూమ్​ ప్రత్యేకంగా ఉన్నాయి.

మెహతా పెయింటింగ్స్​..

భారత సంప్రదాయం ఉట్టిపడేలా ప్రఖ్యాత భారత చిత్రకారుడు తైయబ్​ మెహతా పెయింటింగ్స్​ను ఇక్కడి గోడలపై తీర్చిదిద్దారు. చాణక్యుడి అర్థశాస్త్రాన్ని వివరించే పలు చిత్రపటాలు కనిపిస్తాయి. భోజన గదిలోని టేబుల్​పై ప్లేట్లు, క్రిస్టల్​ డి పారిస్​ గ్లాసులు వంటి విలాస వస్తువులు ఉంటాయి.

ప్రముఖ బౌద్ధ గురువు దలైలామా, అమెరికా మాజీ అధ్యక్షులు బిల్​ క్లింటన్​, జార్జ్​ బుష్​, బ్రిటన్​ మాజీ ప్రధాని టోనీ బ్లెయిర్​, రష్యా అధ్యక్షుడు వ్లాదిమిర్​ పుతిన్​, సౌదీ కింగ్​ అబ్దుల్లా, బ్రూనై సుల్తాన్​లు గతంలో భారత్​ సందర్శించిన సమయంలో ఇక్కడే బస చేశారు.

వంటకాల్లోనూ ప్రత్యేకమే..

డొనాల్డ్​ ట్రంప్​ను తమ వంటకాలతో మైమరిపించేందుకు ఐటీసీ మౌర్య హోటల్లోని 'రెస్టారెంట్​ బుఖారా' సన్నద్ధమైంది. అధ్యక్షుని కోసం పసందైన రుచులను సిద్ధం చేస్తోంది. ఈ బుఖారా రెస్టారెంట్​ ఎందరో ప్రముఖులకు ఆతిథ్యమిచ్చింది.

అయితే.. 'ట్రంప్​ తాలీ' కోసం ఎలాంటి వంటకాలు సిద్ధం చేశారో వివరాల్ని వెల్లడించలేదీ రెస్టారెంట్​. బుఖారా వంటకాల్లో మాత్రం ప్రధానంగా తందూరీ, కబాబ్స్​, దాల్​ బుఖారా, ఖాస్తా రోటీ, భార్వాన్​కుల్చా ఉంటాయి. ట్రంప్​ దంపతులకు వడ్డించే జాబితాలో ఇవీ ఉండే అవకాశముంది.

ఇదీ చూడండి: ట్రంప్​కు దిల్లీలో ప్రత్యేక విందు- మెనూ చాలా స్పెషల్​

అధ్యక్షుడి భద్రతను ఏడాది పొడవునా క్షుణ్నంగా పరిశీలించే 24X7 సీక్రెట్​ సర్వీస్​ ఏజెన్సీ ఇప్పటికే ఈ ఐటీసీ హోటల్​ను జల్లెడ పట్టింది. చీమ చిటుక్కుమన్నా పసిగట్టేంత నిఘా పెట్టింది.