జనాభా నియంత్రణకు అసోం ప్రభుత్వం సంచలన నిర్ణయం తీసుకుంది. ఇద్దరు పిల్లలకంటే ఎక్కువ మంది సంతానం ఉన్న వారికి ప్రభుత్వ ఉద్యోగాలు ఇవ్వబోమని తెలిపింది. సోమవారం జరిగిన రాష్ట్ర కేబినెట్ సమావేశం అనంతరం ఈ నిర్ణయాన్ని ప్రకటించింది. 2021 జనవరి 1 నుంచి ఈ నిబంధన వర్తించనుంది.
చిన్న కుటుంబాల ప్రమాణాల ప్రకారం 2021 జనవరి 1 నుంచి ఇద్దరికన్నా ఎక్కువ మంది పిల్లలను కంటే.. వారికి ప్రభుత్వ ఉద్యోగాలకు అనర్హులని ప్రకటించింది అసోం ప్రభుత్వం.
ఈ కీలక నిర్ణయంతో పాటు, కొత్త భూ విధానానికీ తెరలేపింది అసోం మంత్రి వర్గం. భూమిలేని ఆదివాసీ పేద ప్రజలకు వ్యవసాయానికి మూడు బిఘాలు, ఇల్లు నిర్మించుకోడానికి అర బిఘా ఇచ్చేందుకు పథకాలు చేపట్టనుంది. రాష్ట్రంలో బస్సు ఛార్జీలను 25 శాతం పెంచాలని ఈ సమావేశంలో నిర్ణయించింది ప్రభుత్వం.
ఇదీ చూడండి:ఈ బైక్ ఉంటే అతి చౌకగా చక్కర్లు కొట్టొచ్చు!
