మధ్యప్రదేశ్ బర్వానీ సెంద్వా ప్రాంతానికి చెందిన ఓ భాజపా నేత మద్యం గోదాములో పోలీసులు ఆయుధాలను స్వాధీనం చేసుకోవడం స్థానికంగా సంచలనం సృష్టించింది.
భాజపా నేత సంజయ్ యాదవ్ లిక్కర్ గోదాంలో అక్రమ ఆయుధాలు ఉన్నాయన్న సమాచారంతో ఎస్పీ యంగ్చాన్ ధోల్కర్ భూటియా ఆధ్వర్యంలో పోలీసులు సోదాలు నిర్వహించారు. 13 పిస్తోళ్లు, 111 లైవ్ కాట్రిడ్జులు, 17 గ్రనేడ్లు, మారణాయుధాలను స్వాధీనం చేసుకున్నారు. నిందితులు సంజయ్ యాదవ్, అతని సోదరుడు జితు యాదవ్లపై పోలీసులు ఆయుధ చట్టం, పేలుడు పదార్ధాల చట్టం కింద కేసు నమోదు చేశారు. సంజయ్ తల్లి సెంద్వా మున్సిపల్ అధ్యక్షురాలుగా ఉన్నారు. సోదాల సమయంలో ఆమె అక్కడే ఉన్నారు.
సంజయ్ యాదవ్పై ఇప్పటికే పలు క్రిమినల్ కేసులు ఉన్నట్లు పోలీసులు గుర్తించారు. హత్య, అక్రమ ఆయుధాలు కలిగి ఉన్నారన్న ఆరోపణలు ఉన్నాయి. కేసుపై ఎన్ఎస్ఏ విచారణ చేపట్టింది.
ఇదీ చూడండి:"అంతర్జాతీయ కిడ్నీ రాకెట్ ముఠా గుట్టు రట్టు"
