ఐక్యరాజ్యసమితి నిర్వహించే వార్షిక సర్వసభ్య సమావేశంలో ప్రధాని నరేంద్ర మోదీ ప్రసంగించనున్నారు. ఐరాస 74వ వార్షిక సమావేశాలు సెప్టెంబర్ 24 నుంచి జరగనుండగా ప్రధాని మోదీ 28న ప్రసంగించనున్నారు. ఈ మేరకు సాధారణ అసెంబ్లీలో ప్రసంగించే వివిధ దేశాలకు చెందిన నేతల పేర్లను ఐరాస వెల్లడించింది.
న్యూయార్క్లో జరగనున్న వార్షిక సమావేశంలో భాగంగా.. ప్రధాని మోదీ వివిధ దేశాధినేతలతో ద్వైపాక్షిక, త్రైపాక్షిక చర్చలు జరిపే అవకాశం ఉంది. ఐరాస కార్యక్రమానికి హాజరయ్యే ముందు హ్యూస్టన్‌లో భారతీయ అమెరికన్లు ఏర్పాటు చేసే 'హౌడీ మోదీ' కార్యక్రమంలో పాల్గొననున్నారు ప్రధాని.
వాతావరణ మార్పులపై పోరాడటానికి కుదుర్చుకున్న పారిస్‌ ఒప్పందాలను అమలు చేయడానికి సెప్టెంబర్ 23న 'క్లైమెట్‌ యాక్షన్‌ సమ్మిట్‌'ను ఐరాస ప్రధాన కార్యదర్శి ఆంటోనియో గుటెరస్ ఏర్పాటు చేయనున్నారు. సుస్థిరాభివృద్ధి లక్ష్యాలను సాధించడానికి సెప్టెంబర్ 24-25 తేదీల్లో ప్రత్యేక సమావేశాలను నిర్వహించనుంది ఐరాస.
ఇదీ చూడండి: 'ఉన్నావ్' నిందితుడిపై బహిష్కరణ వేటు
