2019 బడ్జెట్పై ప్రధానమంత్రి నరేంద్ర మోదీ ప్రశంసల వర్షం కురిపించారు. దేశ ప్రగతికి ఈ బడ్జెట్ ఒక మార్గమని కొనియాడారు. అభివృద్ధి, భవిష్యత్తు అవసరాలకు తగ్గట్టుగా బడ్జెట్ను రూపొందించారని కొనియాడారు. ఈ పద్దుతో పేదలకు మంచి జీవితం, యువతకు మంచి భవిష్యత్తు లభిస్తుందన్నారు మోదీ.
"ప్రజల ఆశలు, అవసరాలు పూర్తవుతాయని ఈ బడ్జెట్ విశ్వాసం కల్పించింది. దిశ సరిగా ఉందని నిరూపించింది. అందుకే కచ్చితంగా అనుకున్న లక్ష్యాన్ని సాధిస్తాం. ఈ బడ్జెట్ ఆశ, ఆకాంక్షల బడ్జెట్. ఇది భారతీయుల ఆశలు నెరవేర్చడం సహా నవ భారత నిర్మాణంలో ఒక ప్రత్యేకమైన స్థానం సంపాదించుకుంటుంది."
--- నరేంద్ర మోదీ, ప్రధానమంత్రి.
వ్యవసాయ రంగంలో నిర్మాణాత్మక సంస్కరణలు చేపట్టి... అన్నదాత ఆదాయం రెట్టింపు చేయడానికి మార్గనిర్దేశకంగా బడ్జెట్ ఉందన్నారు ప్రధాని. మధ్య తరగతి ప్రజలు జీవనం మెరుగుపడుతుందని ధీమా వ్యక్తంచేశారు.
