భాజపాపై వినూత్న రీతిలో అభిమానం చాటుకున్న ఖీమ్చంద్ భాయ్ను ప్రధాని నరేంద్రమోదీ దిల్లీలో కలుసుకున్నారు. సార్వత్రిక ఎన్నికల్లో అఖండ విజయానికి గుర్తుగా గుజరాత్ అమ్రేలీ జిల్లా నుంచి దిల్లీ వరకు సైకిల్ యాత్ర చేశారు భాయ్.
ఎన్నికల్లో 300పైగా స్థానాల్లో భాజపా విజయ కేతనం ఎగురవేసింది. ఈ చారిత్రక విజయానికి గుర్తుగా 1000 కిలోమీటర్లు సైకిల్ యాత్ర చేయాలని నిర్ణయించుకున్నారు భాయ్. అనుకున్నదే తడవుగా యాత్రను మొదలుపెట్టారు.
యాత్ర పూర్తయిన విషయం తెలుసుకుని భాయ్ను తన కార్యాలయానికి పిలుపించుకున్నారు మోదీ.
"ఖీమ్ చంద్భాయ్ని కలిశాను. భాజపా 300 సీట్లు గెలిచిందన్న ఆనందంలో అమ్రేలీ నుంచి దిల్లీ వరకు సైకిల్పై వచ్చారు. ఆయన మాటను నిలబెట్టుకున్నారు. ఈ యాత్రతో ఆయనకు అభిమానులు పెరిగారు. భాయ్ వినమ్రత, ఉత్సాహం నన్ను కట్టిపడేశాయి. "
-ప్రధాని నరేంద్రమోదీ
ఇదీ చూడండి: భాజపా ఎంపీలను మందలించిన మోదీ
