పశువుల్లో కాలికుంటు వ్యాధి, బ్రూసిల్లోసిస్ నివారణ కోసం జాతీయ పశు వ్యాధి నివారణ కార్యక్రమం.. 'ఎన్ఏడీసీపీ'ని ఉత్తరప్రదేశ్లోని మథురలో ప్రారంభించారు ప్రధానమంత్రి నరేంద్ర మోదీ.
అక్కడ ఏర్పాటు చేసిన మెగా శిబిరంలో గోవులను పరిశీలించారు. స్టాళ్లలో కలియతిరిగారు. ప్లాస్టిక్ రీసైక్లింగ్ యంత్రాలను ప్రారంభించిన మోదీ.. చెత్త నుంచి ప్లాస్టిక్ను వేరుచేసే మహిళలతో ముచ్చటించారు. పాడి రైతులతో సంభాషించారు.
అంతకుముందు హెలికాఫ్టర్ ద్వారా ఉత్తరప్రదేశ్కు చేరుకున్న మోదీకి ఘనస్వాగతం పలికారు ఆ రాష్ట్ర ముఖ్యమంత్రి యోగి ఆదిత్యనాథ్.
పశువ్యాధుల నియంత్రణ పథకాన్ని ప్రారంభించిన మోదీ
ఇదీ చూడండి: 9/11 మారణహోమానికి 18 ఏళ్లు- వెంటాడుతున్న జ్ఞాపకాలు
