'కరోనాపై పోరుకు జాతీయ ప్రణాళిక కావాలి'

కరోనాపై పోరాడేందుకు తక్షణమే పటిష్ఠమైన జాతీయ ప్రణాళికను సిద్ధం చేయాలని కేంద్రాన్ని కోరింది కాంగ్రెస్. ప్రజల సమస్యలు తెలుసుకోకుండా అధికారులు కార్యాలయాల్లో కూర్చొని తాత్కాలిక ప్రణాళిక రూపొందిస్తున్నారని ఆరోపించింది. లాక్​డౌన్ విధానాలపై కేంద్రం మరో సారి ఆలోచించి నిర్ణయం తీసుకోవాలన్నారు కాంగ్రెస్​ సీనియర్ నేత కపిల్​ సిబల్.

విపత్తు నిర్వహణ చట్టం కింద కరోనాను ఎదుర్కొనేందుకు ఓ జాతీయ ప్రణాళిక సిద్ధం చేయాలని కేంద్రాన్ని కోరింది కాంగ్రెస్. వీడియో కాన్ఫెరెన్స్​ ద్వారా జరిగిన మీడియా సమావేశంలో సీనియర్​ కాంగ్రెస్​ నేత కపిల్​ సిబల్ మాట్లాడారు. లాక్​డౌన్ విధానాల అమలుపై కేంద్రం పునరాలోచించుకోవాలన్నారు.

'మీరు ప్రజలను బంధించి.. ఆర్ధిక వ్యవస్థకు కళ్లెం వేయొద్దు. ఇది సరైన పద్ధతి కాదు. ఇది విమర్శించే సమయం కాదు .. మేము కేవలం ఓ సారి పునరాలోచించాలి అంటున్నాం. వీలైనంతవరకు మేము ప్రభుత్వానికి సహకరిస్తాం. ప్రధాని నిమిత్తంగా వ్యవహరిస్తున్నారు. ఆయన సమయానికి వచ్చి దేశాన్ని ఉద్దేశించి మాట్లాడుతున్నారు కానీ.. లాక్​డౌన్​ ప్రకటించి 7 వారాలైనా వివరమైన ప్రణాళికలు సిద్ధం చేయలేదు."

-కపిల్​ సిబల్​, కాంగ్రెస్​ సీనియర్​ నేత

క్షేత్ర స్థాయిలో ఏం జరుగుతుందో తెలియని ప్రభుత్వ అధికారులు కార్యాలయాల్లో కూర్చొని తాత్కాలిక పరిష్కారాలు ప్రతిపాదిస్తున్నారని ఆరోపించారు సిబల్​. ఈ సంక్షోభ సమయంలో న్యాయ వ్యవస్థ కలుగజేసుకుని.. ఓ పరిష్కార విధానాన్ని రూపొందించాలని సిబల్ అభిప్రాయపడ్డారు.

రాష్ట్రాలపై భారమా?

సరైన సదుపాయాలు లేకుండా రాష్ట్ర ప్రభుత్వాలు ఈ మహమ్మారిని సమర్థవంతంగా ఎదుర్కొనే పరిస్థితి లేదన్నారు సిబల్​. ప్రభుత్వానికి పలు సూచనలు చేశారు.

⦁ తక్షణమే ఓ జాతీయ ప్రణాళికను రూపొందించాలి.

⦁ ఈ చట్టం ప్రకారం జాతీయ కార్యనిర్వాహక కమిటీ (ఎన్‌ఇసి)కి హోంమంత్రిత్వ శాఖ అధ్యక్షత వహించాలి.

⦁ పరిస్థితులను సాధ్యమైనంత ఉత్తమంగా పరిష్కరించుకోవాలని రాష్ట్ర ప్రభుత్వాలకు సూచనలివ్వాలి.

సరైనా పారిశుద్ధ్యం, వైద్య, ఆహారం, నీటి వసతులు కల్పించకుండా రాష్ట్ర ప్రభుత్వాలపైనే భారం వేసేద్దామని కేంద్ర చూస్తోందన్నారు సిబల్​. లాక్​డౌన్​ కారణంగా నష్టపోయిన చిరు వ్యాపారులు, పేదలు, వలస కార్మికుల కోసం చర్యలు తీసుకోకుండా నిర్లక్ష్యంగా వ్యవహరిస్తోందని ఆరోపించారు..

ఇదీ చదవండి:50 ఏళ్ల టీచరమ్మ.. బౌలింగ్​ అదిరిందమ్మా!