లోక్సభ ఎన్నికలతో పాటు సిక్కిం అసెంబ్లీ ఎన్నికలు జరగనున్నాయి. ఈ నేపథ్యంలో ఆ రాష్ట్ర ముఖ్యమంత్రి, సిక్కిం డెమోక్రటిక్ పార్టీ అధినేత పవన్ కుమార్ ఛామ్లింగ్ ఎన్నికల మేనిఫెస్టోను విడుదల చేశారు. తమ పార్టీకి మరోసారి అధికారం అందిస్తే యువతకు చేసే కార్యక్రమాలను వెల్లడించారు. యువత స్థిరపడేందుకు రూ. 5 లక్షల జీవనభృతిని అందిస్తామని ప్రకటించారు.
"యువతకే ప్రాధాన్యం" ఇదే మా విధానం. యువత ఎల్లప్పుడూ మాకు ప్రధానాంశమే" - పవన్ కుమార్ ఛామ్లింగ్, సిక్కిం ముఖ్యమంత్రి
సిక్కిం ప్రభుత్వం ప్రవేశపెట్టబోయే అంకుర పథకాల్లో చేరాలనుకునే యువతకు ఒకేసారి రూ. 5 లక్షలను వారి ఖాతాల్లో జమ చేస్తామని ప్రకటించారు.
ఛామ్లింగ్ హామీలు...
⦁ అంకుర సంస్థలకు రూ.20 నుంచి రూ.30 లక్షల వరకు రుణం
⦁ ఒక వ్యక్తికి ఒకే వృత్తి
⦁ వ్యవసాయ రుణాల మాఫీ
⦁ ఆర్థిక భద్రత పేరుతో రైతులకు రూ. 40 వేలు ఆర్థికసాయం
⦁ సేంద్రియ వ్యవసాయదారులకు రూ. 60 వేల ఆర్థికసాయం
గెలిస్తే ఆరోసారి..
పవన్కుమార్ ఛామ్లింగ్ 25 ఏళ్లుగా ముఖ్యమంత్రిగా కొనసాగుతున్నారు. అయిదుసార్లు ముఖ్యమంత్రిగా ప్రమాణస్వీకారం చేశారు. దేశంలో అత్యధిక కాలం ముఖ్యమంత్రిగా ఉన్న రికార్డు పవన్కుమార్ ఛామ్లింగ్ పేరిటే ఉంది. ఈ ఎన్నికల్లో గెలిస్తే ముఖ్యమంత్రిగాఆరోసారి ప్రమాణ స్వీకారం చేస్తారు ఛామ్లింగ్.
