ముంబయిలో కూలిన ఆరు అంతస్తుల భవనం

ముంబయిలోని మింట్​ రోడ్డులో ఉన్న ఓ ఆరు అంతస్తుల భవనంలో కొంత భాగం కుప్పకూలింది. సమాచారం అందుకున్న అగ్నిమాపక సిబ్బంది ఘటనాస్థలానికి వెళ్లి సహాయక చర్యలు చేపట్టారు.

దక్షిణ ముంబయిలోని ఓ పాత ఆరు అంతస్తుల భవనంలో కొంత భాగం కుప్పకూలింది. ఈ ఘటనలో శిథిలాల కింద అనేక మంది చిక్కుకుని ఉండొచ్చని తెలుస్తోంది. 4 అగ్నిమాపక వాహనాలు, రెండు రెస్క్యూ వ్యాన్లు, అంబులెన్సులు ఘటానాస్థలానికి చేరుకుని సహాయక చర్యలు చేపట్టాయి.

గురువారం సాయంత్రం 4:45గంటలకు మింట్​ రోడ్డులోని భానుషాలి భవనంలోని 30-40శాతం భాగం కుప్పకూలింది. రెండు రోజులుగా ఎడతెరపి లేకుండా కురుస్తున్న వర్షాల వల్లే ఈ ఘటన జరిగినట్టు అధికారులు భావిస్తున్నారు. ఇప్పటివరకు ఇద్దరిని శిథిలాల కింద నుంచి తీసి ఆసుపత్రికి తరలించారు. అయితే భవనంలోని ఇతర భాగంలో ప్రజలు చిక్కుకుని ఉన్నారని అధికారులు పేర్కొన్నారు.

ఘటనాస్థలాన్ని ముంబయి మేయర్​ కిశోర్​ పెడ్నెకర్​ సందర్శించారు. సహాయక చర్యలను పర్యవేక్షించారు.

కుప్పకూలిన ఆరు అంతస్తుల భవనం

ఇదీ చూడండి:- ఆపరేషన్ కమల్: తర్వాత మహారాష్ట్రేనా?