చిట్ఫండ్ సంస్థలకు ద్రవ్య పరిమితులు పెంచడం సహా నిర్వాహకులకు కమీషన్లు పెంచుతూ ప్రవేశపెట్టిన చిట్ఫండ్ చట్ట సవరణ బిల్లుకు పార్లమెంటు ఆమోదం తెలిపింది. ఈ బిల్లు నవంబర్ 20న లోక్సభ గడప దాటగా... నేడు రాజ్యసభ మూజువాణి ఓటుతో ఆమోదముద్ర వేసింది.
ఈ బిల్లు ద్వారా ఒక వ్యక్తి లేదా నలుగురు భాగస్వాములతో కూడిన సంస్థల జమ చేసే నగదు గరిష్ఠ మొత్తం రూ.1 లక్ష నుంచి రూ.3 లక్షలకు పెరగనుంది. నలుగురి కంటే ఎక్కువ సభ్యులతో కూడిన భాగస్వామ్య సంస్థల మొత్తాన్ని రూ.6 లక్షల నుంచి రూ.18 లక్షలకు పెరిగే విధంగా చట్టాన్ని సవరించారు.
నిర్వాహకుడి కమీషన్ పెంపు
చిట్ఫండ్ నిర్వహణ బాధ్యతను చూసే వ్యక్తికి ఇచ్చే కమీషన్ను సైతం పెంచుతూ చట్టంలో సవరణలు చేశారు. ఈ బిల్లుతో ప్రస్తుతం ఫోర్మన్ పొందే కమీషన్ 5 శాతం నుంచి 7 శాతానికి పెరగనుంది. చిట్ఫండ్స్ను మరింత గౌరవనీయంగా మార్చేందుకు 'ఫ్రాటెర్నిటీ ఫండ్', 'రొటేటింగ్ సేవింగ్స్', 'క్రెడిట్ ఇన్స్టిట్యూషన్' వంటి కీలక పదాలను చేర్చారు.
