ఓటేయటానికి ఓటరు స్లిప్పు మాత్రమే సరిపోదని ఎన్నికల సంఘం(ఈసీ) తెలిపింది. ఆధార్, పాస్పోర్టు కార్డు సహా 12 గుర్తింపు కార్డుల్లో ఏదో ఒకదానిని తప్పకుండా వెంట తీసుకెళ్లాల్సిందేనని స్పష్టం చేసింది.
ఓటరు స్లిప్పు సరిపోదు
ఓటరు స్లిప్పు గుర్తింపుగా పని చేయదని చెప్పింది. ఓటర్ స్లిప్పులలో భద్రతా సదుపాయాలు లేవనే అభ్యంతరాలు రావడం వల్ల ఈసీ ఈ నిర్ణయం తీసుకుంది.
ప్రస్తుతం 99 శాతం ఓటర్లు... ఓటరు గుర్తింపు కార్డులను కలిగిఉన్నారు. 18 ఏళ్ల దాటిన వారిలో 99 శాతం కంటే ఎక్కువ మందికి ఆధార్ కార్డులున్నాయి.
12 కార్డులివే
ఈసీ గుర్తింపు కార్డులుగా ఆమోదించిన వాటిలో ... ఓటర్ గుర్తింపు కార్డు, పాస్పోర్టు, ఆధార్ కార్డు, డ్రైవింగ్ లైసెన్స్, ప్రభుత్వ ఉద్యోగుల గుర్తింపు కార్డు, బ్యాంకు పాస్బుక్, పాన్ కార్డు తదితరాలు ఉన్నాయి.
