జమ్ముకశ్మీర్​ ఎన్​కౌంటర్​లో ఓ ముష్కరుడు హతం

జమ్ముకశ్మీర్ కుల్గాం జిల్లాలోని లిఖ్ది పొరా ప్రాంతంలో జరిగిన ఎదురుకాల్పుల్లో ఓ ముష్కరుడు హతమయ్యాడు.  

లిఖ్ది పొరా ప్రాంతంలో ఉగ్రవాదులు ఉన్నారని పక్కా సమాచారం అందుకున్న భద్రతా దళాలు నిర్బంధ తనిఖీలు చేపట్టాయి. దీనితో ఉగ్రవాదులు ఒక్కసారిగా కాల్పులకు తెగబడ్డారు. దీటుగా స్పందించిన భద్రతా దళాలు ఓ ముష్కరుడిని మట్టుబెట్టాయి. 

ముష్కరుడు ఏ ఉగ్రవాద సంస్థకు చెందినవాడో దర్యాప్తు చేస్తున్నట్లు అధికారులు తెలిపారు.