జమ్ముకశ్మీర్లోని శ్రీనగర్లో ఉగ్రవాదులు దుశ్చర్యకు పాల్పడ్డారు. మహరాజ్ గంజ్ పోలీస్ స్టేషన్ సమీపంలోని పోలీసు చెక్పాయింట్ వద్ద గ్రెనేడ్ దాడి చేశారు. ఈ దుర్ఘటనలో స్థానిక పౌరుడు ప్రాణాలు కోల్పోయాడు. మరొకరు తీవ్రంగా గాయపడ్డారు.
పోలీసు చెక్ పాయింట్ వద్ద రోడ్డు పక్కన గ్రెనేడ్ పేలినందున ఇద్దరు స్థానికులు తీవ్రంగా గాయపడ్డారని అధికారులు తెలిపారు. అయితే.. క్షతగాత్రులను స్థానిక ఎస్ఎంహెచ్ఎస్ ఆస్పత్రికి తీసుకెళ్లి వైద్యం అందించే క్రమంలో ఒకరు మృతి చెందారని మరొకరి పరిస్థితి నిలకడగా ఉన్నట్లు వెల్లడించారు.
కాల్పుల్లో మరొకరు మృతి
పుల్వామా జిల్లాలోని త్రాల్ నగరంలో ఉగ్రవాది జరిపిన కాల్పుల్లో ఓ వ్యక్తి ప్రాణాలు కోల్పోయాడు. మృతుడు షబిర్ అహ్మద్ భట్ గా గుర్తించారు పోలీసులు. అతను స్థానికంగా వాహనాల క్రయవిక్రయాల వ్యాపారం చేస్తున్నట్లు తెలిపారు.
ఇదీ చూడండి: ప్రతి 10మంది మహిళల్లో 8మందికి ఫోన్లో వేధింపులు
