శబరిమలలో రోజూవారి భక్తుల సంఖ్యను ప్రస్తుతం ఉన్న రెండు వేల నుంచి ఐదు వేలకు పెంచుతూ కేరళ ప్రభుత్వం నిర్ణయం తీసుకుంది. దర్శన టికెట్లు మంగళవారం సాయంత్రం 6 గంటల నుంచి ఆన్లైన్లో అందుబాటులో ఉంటాయని తెలిపింది.
నెగిటివ్ రిపోర్ట్ తప్పనిసరి
కరోనా దృష్ట్యా ఆలయంలో కట్టుదిట్టమైన చర్యలు తీసుకున్నట్లు కేరళ దేవాదాయ మంత్రి కడకంపల్లి సురేంద్రన్ తెలిపారు. దర్శనానికి వచ్చే భక్తులు ప్రయాణ సమయానికి 24 గంటల ముందు పరీక్ష చేయించుకోవాలని, కరోనా నెగిటివ్ రిపోర్టు తీసుకొచ్చిన వారికే అనుమతి ఉంటుందన్నారు. డిసెంబర్ 26 తర్వాత వచ్చే భక్తులు కొవిడ్ (ఆర్టీ- పీసీఆర్) నెగిటివ్ రిపోర్టును తప్పనిసరిగా తీసుకురావాలని సూచించారు. రిపోర్టు లేని వారికి నీలక్కల్లోనే పరీక్షలు చేసే విధంగా ఏర్పాట్లు చేశామన్నారు.
ఇదీ చదవండి : నిత్యం 5వేల మందికి అయ్యప్ప దర్శనం!
