బర్డ్ఫ్లూ వ్యాప్తితో దిల్లీ అప్రమత్తమైంది. తదుపరి ఆదేశాలు ఇచ్చే వరకు ఉత్తర దిల్లీలో పౌల్ట్రీ అమ్మకాలు, నిల్వపై నిషేధం విధించాయి ఉత్తర, దక్షిణ, తూర్పు దిల్లీ మున్సిపల్ కౌన్సిల్లు. ప్రజాప్రయోజనం కోసమే ఈ ఉత్తర్వులు జారీ చేశామని.. ప్రజలంతా జాగ్రత్తగా ఉండాలని సూచించాయి.
గుడ్డు సంబంధిత ఆహార పదార్థాలు సహా ఇతర మాంసాహారం అతిథులకు అందిస్తే హోటళ్లు, రెస్టారెంట్లపై తీవ్ర చర్యలు తీసుకోనున్నట్లు హెచ్చరించాయి. మాంసాహార ఉత్పత్తులకు దూరంగా ఉండాలని పేర్కొన్నాయి.
దిల్లీలో ఇప్పటికే బర్ట్ ఫ్లూ నిర్ధరణ అయింది. సంజయ్ సరస్సులో బాతులు, ఇతర పార్కుల్లో కాకులు మరణించాయి. వాటి నమూనాలను పరిశీలించగా ఏవియన్ ఇన్ఫ్యూయెంజా వైరస్ ఉన్నట్లు సోమవారం నిర్ధరణ అయింది.
ఇదీ చూడండి: బర్డ్ ఫ్లూ విసిరిన ఆ రెండు సవాళ్లు
