వలస కార్మికుల కోసం జాతీయ కమిషన్​!

వలస కార్మికుల కోసం జాతీయ కమిషన్​ను ఏర్పాటు చేయడానికి తక్షణ చర్యలు తీసుకోవాలని ప్రధాని నరేంద్ర మోదీకి విజ్ఞప్తి చేసింది పీడీయూఎస్​ఎస్. వలస శ్రామికులు ఎదుర్కొంటున్న సమస్యలు, శ్రమ దోపిడీ దృష్ట్యా జాతీయ కమిషన్​ అత్యవసరమని పేర్కొంది.

లాక్​డౌన్​ల సమయంలో స్వస్థలాలకు చేరుకున్న వేలాది మంది వలస కార్మికుల కోసం జాతీయ కమిషన్​ ఏర్పాటు చేయాలని కేంద్రానికి విజ్ఞప్తి చేసింది పండిట్​ దీన్​దయాళ్​ ఉపాధ్యాయ స్మృతి సంస్థాన్​ (పీడీయూఎస్​ఎస్​). వలస కార్మికులు ఎదుర్కొంటున్న సమస్యలు, శ్రమ దోపిడీ దృష్ట్యా జాతీయ కమిషన్​ అత్యవసరమని​ పీడీయూఎస్​ఎస్ పేర్కొంది.

"జాతీయ మానవ హక్కుల కమిషన్​ (ఎన్​హెచ్​ఆర్​సీ), జాతీయ మైనారిటీల కమిషన్​ తరపున వలస కార్మికుల కోసం జాతీయ కమిషన్​ ఏర్పాటు చేయడానికి తక్షణ చర్యలు తీసుకోవాలని కేంద్రానికి, మోదీకి విజ్ఞప్తి చేశాం."

- పండిట్​ దీన్​దయాళ్​ ఉపాధ్యాయ స్మృతి సంస్థాన్​

ఈ మేరకు ప్రతిపాదిత జాతీయ కమిషన్ ముసాయిదా, నమూనా బిల్లును రెండు నెలల క్రితమే నీతి ఆయోగ్‌కు సమర్పించినట్లు చెప్పారు పీడీయూఎస్​ఎస్​ వ్యవస్థాపక సభ్యులు ఆనంద్​ మణి, వినోద్ శుక్లా.​

ఇదీ చూడండి: తమిళనాడులో కొత్తగా 6,986 కరోనా కేసులు