ఇక మెట్రో రైలు మొత్తాన్ని బుక్​ చేసుకోవచ్చు!

ప్రయాణికులకు సరికొత్త సౌకర్యం అందుబాటులోకి తెచ్చింది నోయిడా మెట్రో రైల్​ కార్పొరేషన్​. కోచ్‌ లేదా మెట్రో పూర్తిగా బుక్‌ చేసుకునే సౌకర్యం కల్పించటమే కాదు... గంటకు కేవలం రూ.5 వేల నుంచి రూ.10 వేల ప్యాకేజీతో పూర్తి మెట్రో బుక్‌ చేసుకునే అవకాశం కల్పిస్తోంది.

యూపీలోని నోయిడా రైల్​ కార్పొరేషన్​ సరికొత్త సౌకర్యాన్ని అందుబాటులోకి తెచ్చింది. ఇకపై అధికారిక, వ్యక్తిగత కార్యక్రమాలకు మెట్రో సేవలు ఉపయోగించుకునే అవకాశాన్ని కల్పిస్తోంది. వినియోగదారులు కేవలం రూ.5 వేల నుంచి రూ.10 వేల ప్యాకేజీతో కోచ్​ లేదా, మెట్రో రైళ్లను బుక్​ చేసుకునే అవకాశం కల్పిస్తోంది

ప్రయాణికులకు మరింత చేరువకావడానికే ఈ నిర్ణయం తీసుకున్నట్లు తెలిపారు నోయిడా మెట్రో ఎండీ రీతూ మహేశ్వరి.

ఇదీ చదవండి:మేకలు కాస్తూ కలిశారు.. పోరాడి ప్రేమను గెలిపించుకున్నారు