కేంద్రప్రభుత్వ పరిధిలో భారీ ఎత్తున ఉద్యోగాల ఖాళీలు ఏర్పడినట్లు రాజ్యసభకు తెలిపింది ఎన్డీఏ సర్కార్. గతేడాది మార్చి 1 నాటికి సుమారు 7 లక్షల ఖాళీలు ఉన్నట్లు సభలో అడిగిన ప్రశ్నకు కేంద్ర మంత్రి జితేంద్ర సింగ్ లిఖిత పూర్వకంగా సమాధానమిచ్చారు.
జితేంద్రసింగ్ తెలిపిన సమాచారం మేరకు మొత్తం 6,83,823 ఖాళీలు ఉన్నాయి. ఇందులో గ్రూప్-సీ స్థాయివే అత్యధికం.
- గ్రూప్ సీ - 5,74,289
- గ్రూప్ బీ - 89,638
- గ్రూప్ ఏ - 19,896
ఈ ఖాళీలకు సంబంధించి 1,05,338 ఉద్యోగాలకు నియామక ప్రక్రియను ప్రారంభించినట్లు కేంద్ర మంత్రి తెలిపారు. మరో 4,08,591 ఖాళీలను భర్తీ చేసే ప్రక్రియ ఎస్ఎస్సీ, ఆర్ఆర్బీ చేపడుతున్నాయని వివరించారు.
నియామక ప్రక్రియలో జాప్యాన్ని నివారించేందుకు కంప్యూటర్ బేస్డ్ పరీక్షలను నియామక సంస్థలు నిర్వహిస్తున్నట్లు తెలిపారు. నాన్ గెజిటెడ్ ఉద్యోగాలకు ముఖాముఖిని రద్దు చేసినట్లు చెప్పారు.
ఇదీ చూడండి: కశ్మీర్ ఆంక్షల గుప్పెట్లో లేదు: సుప్రీంకు కేంద్రం వివరణ
