శాసనసభ ఎన్నికల ఫలితాన్ని విశ్లేషించుకుంది కమలదళం. శివరాజ్ జట్టులోని 80మంది సిట్టింగ్ ఎమ్మెల్యేలపై ప్రజల్లో తీవ్ర వ్యతిరేకత ఉందని భాజపాకు ముందే తెలుసు. అయినా వారిని ఎన్నికల బరిలోకి దింపింది. ఓటమి పాలైంది. ఈ పరాజయం నుంచి కోలుకోకముందే మధ్యప్రదేశ్లో భాజపాకు మరో సవాలు ఎదురైంది. అదే... సార్వత్రిక సమరం.
"గత పదిహేనేళ్లుగా భాజపా పాలనలో ఉన్న మధ్యప్రదేశ్లో ఓటమికి కారణం ప్రభుత్వ వ్యతిరేకతే. అందుకు కారణం నేతల పనితీరు సరిగా లేకపోవడం. దీన్ని మేం విస్మరించాం. గత నవంబర్లో జరిగిన అసెంబ్లీ ఎన్నికల్లో శివరాజ్సింగ్ చౌహాన్ మంత్రివర్గంలోని 13 మంది మంత్రులు ఓటమి పాలయ్యారు. మరోసారి నరేంద్ర మోదీ ప్రధానిగా ప్రమాణ స్వీకారం చేయాలంటే ఇలాంటి తప్పులను పునరావృతం కాకుండా చూసుకుంటాం."
-ఓ భాజపా నేత
శాసనసభ ఎన్నికలు నేర్పిన పాఠాన్ని.... లోక్సభ ఎన్నికల్లో అమలుచేస్తోంది భాజపా. ప్రజావ్యతిరేకత ఉన్న సిట్టింగ్లను మరోసారి పోటీకి దింపరాదని భావిస్తోంది. ఇలా... మధ్యప్రదేశ్లో 18మంది సిట్టింగ్ ఎంపీల టికెట్కు కోత పడే అవకాశముంది.
సిట్టింగ్లకు టికెట్ నిరాకరించడం భాజపాకు కొత్త కాదు. 2014 లోక్సభ ఎన్నికల్లో... 12మంది సిట్టింగ్లను పక్కనబెట్టింది.
