ఇంకా ఐసీయూలోనే మధ్యప్రదేశ్​ గవర్నర్​

అనారోగ్యం కారణంగా ఈ నెల 11న ఉత్తర్​ప్రదేశ్​లోని ఓ ఆసుపత్రిలో చేరిన మధ్యప్రదేశ్​ గవర్నర్​ లాల్జీ టండన్​.. ఇంకా ఐసీయూలోనే ఉన్నారు. ఆయన ఆరోగ్య పరిస్థితిపై ఆందోళన కొనసాగుతోంది. అయితే తాము అందించిన చికిత్సతో ఆయన ఆరోగ్యం కొంతమేర మెరుగుపడిందని వైద్యులు వెల్లడించారు.

మధ్యప్రదేశ్​ గవర్నర్​ లాల్జీ టండన్​ ఆరోగ్యంపై ఆందోళన కొనసాగుతోంది. 4 రోజుల క్రితం ఆసుపత్రిలో చేరిన ఆయన ఇంకా ఐసీయూలోనే ఉన్నట్టు వైద్యులు వెల్లడించారు.

జ్వరం, మూత్రాశయ సంబంధిత సమస్యలు తలెత్తటం వల్ల ఈ నెల 11న ఉత్తర్​ప్రదేశ్​ లఖ్​నవూలోని మేదాంత ఆస్పత్రిలో చేరారు టండన్​. గవర్నర్​ను యూపీ ముఖ్యమంత్రి యోగి ఆదిత్యానాథ్ ఆదివారం​ పరామర్శించారు. ఆయన ఆరోగ్య వివరాలను.. వైద్యులను అడిగి తెలుసుకున్నారు.

అయితే తాము అందించిన చికిత్స వల్ల టండన్​ ఆరోగ్యం కొంత మెరుగుపడిందని ఆసుపత్రి వర్గాలు వెల్లడించాయి. గవర్నర్​కు చేసిన కరోనా పరీక్షలు నెగటివ్​గా తేలినట్టు వివరించాయి.

ఇదీ చూడండి:- అద్దె కట్టలేదని కాల్చేసిన యజమాని