తెలుగు రాష్ట్రాలకు వాతావరణ శాఖ చేదు కబురు

దక్షిణాది రాష్ట్రాలకు భారత వాతావరణ శాఖ చేదువార్తను ప్రకటించింది. ఈ ఏడాది సాధారణం కంటే తక్కువ వర్షపాతం నమోదవుతుందని వెల్లడించింది ఐఎండీ. ఉత్తరాది రాష్ట్రాల్లోనూ ఇదే పరిస్థితి ఉంటుందని తెలిపింది.

తెలుగు రాష్ట్రాలకు భారత వాతావరణ శాఖ(ఐఎండీ) చేదు కబురు చెప్పింది. ఉత్తర, దక్షిణాది రాష్ట్రాల్లో ఈ ఏడాది సాధారణం కంటే తక్కువ వర్షపాతం నమోదు అవుతుందని తెలిపింది. ఎల్​నినోనే ప్రభావం చూపనుందని వెల్లడించింది. వర్షాకాలం రెండో కాలావధిలో దీని ప్రభావం తటస్థంగా ఉంటుందని పేర్కొంది వాతావరణ శాఖ.

జులైలో తక్కువ వర్షాలు పడినా ఆగస్టులో సాధారణ వర్షపాతం నమోదయ్యే అవకాశాలున్నాయని ఐఎండీ అంచనా వేసింది.

ఈ ఏడాది వర్షపాతం దేశవ్యాప్తంగా సాధారణంగానే ఉంటుందని తెలిపింది ఐఎండీ. దీర్ఘకాల సగటు 96 శాతంగా ఉంటుందని వెల్లడించింది.

జూన్ 1న కేరళను తాకాల్సిన నైరుతి రుతుపవనాలు ఐదు రోజులు ఆలస్యంగా.. జూన్​ 6న తాకుతాయని వాతావరణ శాఖ ఇదివరకే ప్రకటించింది.

ఇదీ చూడండి: ఐదేళ్ల కనిష్ఠానికి జీడీపీ వృద్ధిరేటు