'వర్షపాతం ఈసారి "దాదాపు" సాధారణం'

ఈ ఏడాది వర్షపాతం దాదాపు సాధారణ స్థాయిలో ఉంటుందని భారత వాతావరణ శాఖ అంచనా వేసింది. దీర్ఘకాల సరాసరిలో సుమారు 96 శాతంగా నమోదవుతుందని లెక్కగట్టింది.

నైరుతి రుతుపవనాలతో ఈ ఏడాది వర్షపాతం అంచనాలను భారత వాతావరణ శాఖ విడుదల చేసింది. దాదాపుగా సాధారణ వర్షపాతమే ఉంటుందని అంచనా వేసింది.

దీర్ఘకాల సరాసరి (ఎల్​పీఏ)లో సుమారు 96 శాతంగా నమోదయ్యే అవకాశం ఉందని వాతావరణ శాఖ తెలిపింది.

1951-2000 మధ్య కాలంలో పడిన వర్షపాత సరాసరిని దీర్ఘకాల సరాసరి (ఎల్​పీఏ)గా పేర్కొంటారు. అది 89 సెంటీమీటర్లుగా ఉంది. 90-95 శాతం మధ్య ఎల్​పీఏ నమోదైతే సాధారణం కన్నా తక్కువగా సూచిస్తారు.