రెండు రోజుల రష్యా పర్యటనలో భాగంగా ప్రధానమంత్రి నరేంద్ర మోదీ వ్లాదివోస్తోక్ చేరుకున్నారు. వ్లాదివోస్తోక్ విమానాశ్రయంలో గౌరవ వందనం స్వీకరించారు మోదీ. రష్యాలో జరగనున్న వివిధ కార్యక్రమాల్లో పాల్గొనడానికి ఎదురుచూస్తున్నట్టు ప్రధాని ట్వీట్ చేశారు.
మోదీ నేడు ఆ దేశాధ్యక్షుడు వ్లాదిమిర్ పుతిన్తో ద్వైపాక్షిక చర్చలు జరపనున్నారు. ప్రాంతీయ, అంతర్జాతీయ సమస్యలపై సుదీర్ఘంగా చర్చించనున్నారు. ఈ పర్యటనతో భారత్- రష్యా సంబంధాలు మరింత బలపడతాయని మోదీ ఆశాభావం వ్యక్తం చేశారు.
తొలుత వ్లాదివోస్తోక్లో పుతిన్తో కలిసి నౌకానిర్మాణ కేంద్రాన్ని సందర్శిస్తారు మోదీ. వ్లాదివోస్తోక్ను సందర్శించనున్న తొలి భారత ప్రధాని మోదీ కావడం విశేషం. అక్కడే జూడో ఛాంపియన్షిప్నకు మోదీ- పుతిన్ హాజరవుతారు. ఆ తర్వాత అగ్రనేతలు ఇరు దేశాల మధ్య ద్వైపాక్షిక సంబంధాలపై చర్చిస్తారు.
రష్యా అధ్యక్షుడి ఆహ్వానం మేరకు గురువారం 2019 తూర్పు ఆర్థిక సదస్సులో పాల్గొంటారు ప్రధాని.
ఇదీ చూడండి:- రష్యా పర్యటనకు మోదీ.. సంబంధాల బలోపేతమే లక్ష్యం
