కరోనా నియంత్రణకు తీసుకోవాల్సిన జాగ్రత్తలను సామాజిక మాధ్యమాల ద్వారా ప్రజలకు సాధ్యమైనంత వరకు తెలియజేస్తూనే ఉన్నారు ప్రధాన మంత్రి నరేంద్ర మోదీ. ఇప్పుడు వైరస్ సోకకుండా ప్రజలు తీసుకోవాల్సిన జాగ్రత్తల గురించి ఓ మహిళ సంజ్ఞలతో వివరించిన వీడియోను ట్విట్టర్ వేదికగా పంచుకున్నారు. 'కొవిడ్-19 గురించి సంజ్ఞల భాషలో విలువైన సమాచారం' అంటూ లింక్ను ట్వీట్ చేశారు. ప్రాణాంతక వైరస్ నుంచి అప్రమత్తంగా ఉండాలని సూచించారు.
కరోనా వైరస్ను ఎదుర్కోవాలంటే.. వ్యక్తిగత పరిశుభ్రత, సామాజిక దూరం పాటించడం, శానిటైజర్లతో చేతులు శుభ్రం చేసుకోవడం వంటి జాగ్రత్తలను సంజ్ఞల ద్వారా వీడియోలో తెలియజేశారు ఓ మహిళ.
గుజరాతీలో కరోనా అర్థం
గుజరాతీలో కరోనా అర్థాన్ని వివరిస్తూ ఓ ట్వీట్ చేశారు మోదీ. కరోనా అంటే ఎవరు రోడ్లపైకి రావద్దు అని అర్థమని హిందీలోనూ వివరించారు.
భారత్లో ఇప్పటి వరకు కరోనాతో 9మంది మరణించగా.. 471మంది వైరస్ బారిన పడినట్లు కేంద్ర ఆరోగ్య మంత్రిత్వ శాఖ తెలిపింది.
ఇదీ చూడండి: పూర్తి దిగ్బంధంలో భారత్- కేంద్రం కీలక ఆదేశాలు
