సర్దార్​ జయంతి కోసం గుజరాత్​కు ప్రధాని మోదీ

ప్రధానమంత్రి నరేంద్రమోదీ గుజరాత్​ పర్యటన ప్రారంభమైంది. అహ్మదాబాద్​ చేరుకున్న మోదీకి సీఎం విజయ్​ రూపానీ స్వాగతం పలికారు. అనంతరం అక్కడి నుంచి తన తల్లి వద్దకు వెళ్లారు మోదీ. రేపు సర్దార్​ వల్లభ​భాయ్​ పటేల్​ జయంతి సందర్భంగా ఏర్పాటు చేసిన కార్యక్రమాలకు హాజరవుతారు.

ప్రధానమంత్రి నరేంద్ర మోదీ గుజరాత్​ చేరుకున్నారు. అహ్మదాబాద్​ విమానాశ్రయంలో మోదీకి.. గుజరాత్​ ముఖ్యమంత్రి విజయ్​ రూపానీ స్వాగతం పలికారు.

అనంతరం తన తల్లిని కలవడానికి గాంధీనగర్​లోని ఆమె నివాసానికి వెళ్లారు మోదీ. తల్లి వద్ద ఆశీర్వాదాలు తీసుకున్నారు. కొడుకును చూసి మురిసిపోయిన హీరాబెన్​.. మోదీకి ఆప్యాయంగా మిఠాయిలు తినిపించారు.

గురువారం సర్దార్​ వల్లభ​భాయ్​ జయంతి సందర్భంగా గుజరాత్​లో పర్యటిస్తున్నారు మోదీ. రేపు ఐక్యతా విగ్రహాన్ని సందర్శించిన అనంతరం.. వివిధ కార్యక్రమాల్లో పాల్గొంటారు.