'కుటుంబ నియంత్రణ కూడా దేశభక్తే...'

ఎర్రకోటపై జెండా ఎగురవేసిన అనంతరం జాతినుద్దేశించి ప్రసంగించిన మోదీ.. దేశంలోని జనాభా విస్ఫోటనాన్ని ప్రస్తావించారు. జనాభా పెరుగుదలతో భావి తరాలకు ఎన్నో కష్టాలు ఎదురవుతాయని హెచ్చరించారు. ఇందుకోసం కేంద్రం, రాష్ట్రాలు కలిసి రావాలని అభిప్రాయపడ్డారు.

నవ భారత నిర్మాణంలో ఎదురయ్యే సవాళ్లను ఎదుర్కొనేందుకు సిద్ధం కావాల్సిన అవసరాన్ని నొక్కిచెప్పారు ప్రధాని. ప్రధానంగా... జనాభా విస్ఫోటనాన్ని ఎర్రకోట వేదికగా చేసిన ప్రసంగంలో ప్రస్తావించారు.

జనాభా పెరుగుదలతో రానున్న తరాలకు అనేక సమస్యలు ఎదురవుతాయని హెచ్చరించారు ప్రధాని. చిన్న కుటుంబం కలిగి ఉండడం ద్వారా దేశాభివృద్ధికి ఉపకరించవచ్చని, అది కూడా ఒక రకమైన దేశభక్తేనని అన్నారు. చిన్న కుటుంబాల నుంచి అన్ని వర్గాల ప్రజలు స్ఫూర్తిపొందాలన్నారు.

జనాభా నియంత్రణకు కేంద్రం, రాష్ట్రాలు ప్రత్యేక కార్యక్రమాలు ప్రారంభించాల్సిన అవసరముందని అభిప్రాయపడ్డారు మోదీ.

ఇదీ చూడండి:- 'తదుపరి లక్ష్యం... ఒకే దేశం- ఒకే ఎన్నిక'