ప్రపంచమంతటా కరోనా వైరస్ వ్యాప్తి చెందుతున్న వేళ.. ఈ మహమ్మారిని అరికట్టేందుకు సార్క్ దేశాధినేతలు కలిసికట్టుగా కృషి చేయాలని ప్రధాని నరేంద్ర మోదీ పిలుపునిచ్చారు. ప్రజల ఆరోగ్యాన్ని సంరక్షించేందుకు సార్క్ దేశాలు వీడియో కాన్ఫరెన్స్ ద్వారా చర్చించాలని సూచించారు.
ప్రపంచంలోని అనేక దేశాలు కరోనా వైరస్తో పోరాడుతున్నాయి. ప్రభుత్వాలు, ప్రజలు ఈ మహమ్మారి నుంచి బయటపడేందుకు తీవ్రంగా శ్రమిస్తున్నారు. కరోనాను ఎదుర్కొనేందుకు సార్క్ దేశాధినేతలు ముందుకు రావాలని పిలుపునిస్తున్నా.
-మోదీ ట్వీట్
ప్రపంచంలో గణనీయమైన జనాభా కలిగిన దక్షిణాసియా.. ప్రజల ఆరోగ్యాన్ని కాపాడే విషయంలో చిన్న అవకాశాన్ని కూడా వదులుకోకూడదని ఉద్ఘాటించారు మోదీ.
దక్షిణాసియా దేశాల ప్రాంతీయ సహకార సదస్సు( సార్క్)లో అఫ్గానిస్థాన్, బంగ్లాదేశ్, భూటాన్, భారత్, మాల్దీవులు, నేపాల్, పాకిస్థాన్, శ్రీలంక సభ్యదేశాలు.
