కేదార్నాథ్ యాత్ర రూపంలో వర్తమాన రాజకీయాలకు దూరంగా గడిపే అవకాశం వచ్చిందని చెప్పారు ప్రధాని నరేంద్రమోదీ. రుద్రగుహలో ఏకధాటిగా 17గంటలు ధ్యానం చేసిన మోదీ... ఉదయం బయటకు వచ్చారు. పూజా కార్యక్రమాల్లో పాల్గొన్నారు. దర్శనం కోసం వచ్చిన ప్రజలతో మమేకమయ్యారు.
కేదార్నాథ్ సందర్శనకు అనుమతి ఇచ్చినందుకు ఎన్నికల సంఘానికి ధన్యవాదాలు తెలిపారు ప్రధాని.
"ఆధ్యాత్మిక శోభ కలిగిన కేదార్నాథ్ ఆలయాన్ని సందర్శించేందుకు కొన్నేళ్లుగా అవకాశం వస్తోంది. కేదార్నాథ్కు గతంలో నేను వచ్చినప్పుడు హృదయంలో ఒక భారం ఉండేది... ఏదైనా చేయాలని. గుజరాత్ కేంద్రంగా ఉంటూ పనిచేసేవాడిని. ప్రధానిగా పనిచేసే అవకాశం వచ్చింది. ఉత్తరాఖండ్లోనూ అనుకూల ప్రభుత్వం ఏర్పడింది. కేదార్నాథ్ అభివృద్ధి కోసం ఓ బృహత్ ప్రణాళిక తయారు చేశాం. దాని ఆధారంగా అభివృద్ధి పనులు కొనసాగుతున్నాయి. సమయం ఉంటే ఇక్కడి అభివృద్ధి పనులపై సమీక్ష చేస్తాను. ప్రస్తుతం ఒక విధంగా భారత్లోని వర్తమాన రాజకీయాలకు దూరంగా ఉన్నాను. ఎలాంటి సమాచారం లేని స్థితిలో ఉన్నాను. నాకు నేనుగా ఉన్నాను."
-నరేంద్ర మోదీ, ప్రధాన మంత్రి
మోదీ గత రెండేళ్లలో చార్ధామ్ క్షేత్రాలను సందర్శించడం ఇది నాలుగోసారి.
ఇదీ చూడండి: ప్రపంచంలో అత్యంత ఎత్తున ఉన్న పోలింగ్ కేంద్రం ఇదే..
