దేశవ్యాప్త లాక్డౌన్ కారణంగా మార్చి 21నుంచి ఇంటి నుంచే విధులు నిర్వహిస్తున్న కేంద్ర మంత్రులు, సీనియర్ అధికారుల ఈ రోజు కార్యాలయాలకు హాజరయ్యారు. ప్రధాని నరేంద్ర మోదీ మంగళవారం జాతినుద్దేశించి ప్రసంగించినున్న నేపథ్యంలో అధికారులతో సమావేశం నిర్వహించారు. దేశంలో ప్రస్తుత పరిస్థితిపై వివరాలు అడిగి తెలుసుకున్నారు. కార్యాలయాల్లో భౌతిక దూరం పాటిస్తూనే విధులు నిర్వర్తించినట్లు తెలిపారు మంత్రులు.
" లాక్డౌన్ సమయంలో ఇంటి నుంచే విధులు నిర్వహించాను. చాలా రోజుల తర్వాత ఈరోజే శాస్త్రి భవన్లోని ఆఫీస్కు వచ్చినందుకు సంతోషంగా ఉంది. మోదీ ప్రభుత్వం అన్ని చర్యలతో సిద్ధంగా ఉంది."
-ప్రహ్లాద్ జోషీ, పార్లమెంటరీ వ్యవహారాల శాఖ మంత్రి.
కేంద్ర సమాచార, ప్రసారాల శాఖ మంత్రి ప్రకాశ్ జావడేకర్, మైనారిటీ వ్యవహారాల మంత్రి ముక్తర్ అబ్బాస్ నఖ్వీ, రైల్వే శాఖ మంత్రి పీయూష్ గోయల్, కీరన్ రీజు, ప్రహ్లాద్ పటేల్ సోమవారం కార్యాలయాల నుంచే విధులు నిర్వర్తించారు.
కరోనా కట్టడికి కేంద్రం విధించిన లాక్డౌన్ మంగళవారంతో ముగుస్తుంది. ఈ నేపథ్యంలో ఉదయం 10 గంటలకు జాతినుద్దేశించి ప్రసంగించనున్నారు మోదీ. లాక్డౌన్ మరో రెండు వారాల పాటు పొడిగిస్తూ, ఆర్థిక వ్యవస్థకు ఊతమిచ్చేలా కీలక ప్రకటన చేసే సూచనలు కన్పిస్తున్నాయి.
ఇదీ చూడండి: 'రేషన్ కార్డ్ లేనివారికీ 10 కిలోల ఆహార ధాన్యాలు...'
