"కనీస ఆదాయం అందిస్తాం"

కేంద్రంలో యూపీఏ అధికారంలోకి వస్తే దేశంలో పేదవారందరికీ కనీస ఆదాయం అందేలా చూస్తామని కాంగ్రెస్​ అధ్యక్షుడు రాహుల్​ గాంధీ మరోసారి స్పష్టం చేశారు.

రాబోయే లోక్​సభ ఎన్నికల్లో యూపీఏ​ గెలిస్తే ప్రతి పేదవాడికి కనీస ఆదాయం అందేలా చూస్తామని కాంగ్రెస్​ అధ్యక్షుడు రాహుల్​గాంధీ భరోసా ఇచ్చారు. ఉత్తరాఖండ్​లోని దేహ్రాదూన్​లో ఎన్నికల ప్రచారాన్ని ప్రారంభించిన రాహుల్​... కనీస ఆదాయ పథకాన్ని తెస్తామని పునరుద్ఘాటించారు.

" దేశ ప్రజలందరికీ కనీస ఆదాయం అందిస్తాం. ఓ కనీస ఆదాయ రేఖను రూపొందిస్తాం. ఆ రేఖ కంటే తక్కువ ఆదాయం ఎవరికైతే ఉందో వారి బ్యాంకు ఖాతాల్లోకి నేరుగా డబ్బు జమ చేస్తాం. ఆ ఆదాయ రేఖ ఎగువకు పేదల ఆదాయం చేరుకునేలా చేస్తాం. అక్కడితో పేదరిక సమస్య పరిష్కారమవుతుంది. ఇది అమలైతే ప్రపంచంలోనే ఇలాంటి పథకం ప్రవేశపెట్టిన తొలి దేశంగా భారత్​ నిలుస్తుంది. మరోసారి చెబుతున్నా ప్రతి పేదవాడి ఖాతాలో కాంగ్రెస్​ పార్టీ డబ్బు వేస్తుంది.
- రాహుల్​ గాంధీ, కాంగ్రెస్ పార్టీ అధ్యక్షుడు