రాజస్థాన్ నాగౌర్ జిల్లా భీరుండా భాజపా కార్యాలయంలో హైడ్రామా నెలకొంది. రాబోయే పంచాయతీ సమితి ఎన్నికల్లో బయటి వ్యక్తులకు టికెట్లు ఇచ్చారని పార్టీ కార్యకర్తలు ఆగ్రహం వ్యక్తం చేశారు.
పార్టీ జిల్లా అధ్యక్షుడు రాజేశ్ వైష్ణవ్తోపాటు ఉపాధ్యక్షుడిని చెట్టుకు కట్టేసి చాలాసేపు నిర్బంధించారు. భాజపాకు వ్యతిరేకంగా నినాదాలు చేశారు. పార్టీ జెండాకు నిప్పంటించి నిరసన తెలిపారు. పార్టీ సీనియర్ నేతల వద్దకు ఈ విషయాన్ని తీసుకెళ్తామని, పరిష్కరిస్తామని హామీ ఇచ్చిన తర్వాత వారిని వదిలిపెట్టారు.
"మాజీ మంత్రి అజయ్ సింగ్ మద్దతుదారుల్లో ఒకరిని నిలబెట్టాలని కార్యకర్తలు డిమాండ్ చేస్తున్నారు. రాజ్సమంద్ ఎంపీ దియా కుమారి ఆదేశాల మేరకు వీరికి టికెట్ దక్కలేదని ఆరోపించారు. పార్టీ అగ్రనాయకత్వ నిర్ణయంపై కార్యకర్తలు ఆగ్రహంతో ఉన్నారు. ఈ విషయాన్ని చెప్పేందుకు వెళ్లగా.. వాళ్లు మమ్మల్ని నిర్బంధించారు."
- రాజేశ్ వైష్ణవ్, భాజపా
నాగౌర్ అధ్యక్షుడు
పంచాయతీ ఎన్నికల్లో తమకే టికెట్లు ఇస్తామని తమకు హామీ ఇచ్చారని ఓ కార్యకర్త చెప్పారు. కానీ, అసలైన కార్యకర్తలకు పార్టీ పట్టించుకోలేదని ఆరోపించారు.
ఇదీ చూడండి: బిహార్లో కమలనాథుల కల నెరవేరేనా?
