కాంగ్రెస్ అధ్యక్షురాలు సోనియా గాంధీకి.. పార్టీకి సంబంధించిన కీలక అంశాలపై సలహాలిచ్చేందుకు ఏర్పాటు చేసిన సంస్థాగత కమిటీ తొలిసారి సమావేశమైంది. మంగళవారం సాయంత్రం జరిగిన ఈ ప్యానెల్ భేటీలో.. సంస్థాగత అంశాలపై ప్యానెల్ సభ్యులు చర్చించినట్టు పార్టీ వర్గాలు తెలిపాయి. బిహార్ ఎన్నికల ఫలితాలు, కశ్మీర్లో జరగబోయే జిల్లా అభివృద్ధి మండలి(డీడీసీ) ఎన్నికలు సహా.. ప్రస్తుత రాజకీయ పరిస్థితులపైనా వీరు సమాలోచనలు జరిపినట్టు తెలుస్తోంది.
పార్టీ ప్రక్షాళన కోరుతూ గతంలో 23మంది కాంగ్రెస్ నాయకుల బృందం.. సోనియాకు లేఖ రాసిన అనంతరం పార్టీ పునర్వ్యవస్థీకరణ జరిగింది. ఆ తర్వాత ప్యానెల్ సభ్యులు(ఆరుగురు) సమావేశం నిర్వహించడం ఇదే తొలిసారి. అనారోగ్యం కారణంగా సోనియా గాంధీ, సీనియర్ నాయకుడు అహ్మద్ పటేల్ ఈ సమావేశానికి హాజరుకాలేకపోయారు.
బిహార్లో కాంగ్రెస్ ఘోర పరాభవంపై ఆ పార్టీ మౌనం వహించడాన్ని సీనియర్ నాయకుడు కపిల్ సిబల్ అధిష్ఠానాన్ని ప్రశ్నించిన రెండురోజుల్లోపే.. ఈ భేటీ జరగడం ప్రాధాన్యం సంతరించుకుంది.
ఇదీ చదవండి: అయోధ్య దీపోత్సవ ధగధగలకు గిన్నిస్ అభినందనలు
