కొండ చిలువ బారి నుంచి త్రుటిలో తప్పించుకున్న భువన

కొండచిలువ బారి నుంచి ఓ కార్మికుడు త్రుటిలో తప్పించుకున్న ఘటన కేరళ తిరువనంతపురంలోని కల్లికాడ్​లో జరిగింది. 'మహాత్మాగాంధీ గ్రామీణ ఉపాధి హామీ పథకం' పనుల్లో ఉన్న భువనచంద్రన్​ నాయర్ మెడకు కొండచిలువ చుట్టుకుంది. సకాలంలో స్పందించిన తోటి కార్మికులు ఆయనను పాము బారి నుంచి రక్షించారు.

కేరళ తిరువనంతపురంలో ఓ కార్మికుడు కొండచిలువ బారి నుంచి త్రుటిలో తప్పించుకున్నాడు. తోటి కార్మికులు సకాలంలో స్పందించకపోతే అతని ప్రాణాలు పోయేవి.

కట్టకడలోని కల్లికాడ్​లో 'మహాత్మాగాంధీ జాతీయ గ్రామీణ ఉపాధి హామీ పథకం' కింద కిక్మా కళాశాల ప్రాంగణంలో పనులు జరుగుతున్నాయి. పెరుంకులంగరకు చెందిన భువనచంద్రన్​ నాయర్​ కూడా పనులు చేస్తున్నాడు. అకస్మాత్తుగా ఓ కొండచిలువ ఆయన మెడకు చుట్టుకుంది. దానిని విడిపించుకోవడం అతని వల్ల కాలేదు. సకాలంలో స్పందించిన తోటి కార్మికులు పాము మెడ, తోక పట్టుకుని విడదీసి నాయర్​ను రక్షించారు. పాము మరికొంత సమయం అలాగే పట్టుకుని ఉంటే నాయర్​ ప్రాణాలు పోయేవి. తరువాత అటవీశాఖ అధికారులు పామును సురక్షితంగా అభయారణ్యంలో విడిచిపెట్టారు.

ఇదీ చూడండి: డ్రీమ్ గర్ల్​ హేమ మాలిని బుగ్గల్లా రోడ్లు: మంత్రి