మధ్యప్రదేశ్ గవర్నర్ లాల్జీ టండన్ (85) ఆస్పత్రిలో చికిత్స పొందుతూ మంగళవారం కన్నుమూశారు. కొద్ది రోజులుగా అనారోగ్యంతో బాధపడుతున్న ఆయన.. ఇవాళ ఉదయం తుదిశ్వాస విడిచినట్లు ఆయన కుమారుడు అశుతోష్ టండన్వెల్లడించారు.
జూన్ 11న ఆస్పత్రిలో చేరిక..
స్వల్ప అనారోగ్యంతో జూన్ 11న ఉత్తర్ప్రదేశ్ లఖ్నవూలోని మేదాంత ప్రైవేటు ఆస్పత్రిలో చేరారు టండన్. సుమారు 41 రోజుల పాటు మృత్యువుతో పోరాటం చేసి ఈ రోజు ప్రాణాలు విడిచారు.
ఐసీయూలోనే..
జ్వరం, మూత్రాశయ సంబంధిత సమస్యలతో ఆస్పత్రిలో చేరారు టండన్. అప్పటినుంచి ఐసీయూలోనే ఉంచి చికిత్స అందిస్తున్నారు. ఆస్పత్రిలో చేరిన ఐదు రోజుల తర్వాత ఆయన ఆరోగ్య మరింత క్షీణించిన కారణంగా వెంటిలేటర్పై ఉంచారు వైద్యులు.
16న శస్త్రచికిత్స..
లాల్జీ కడుపులో అంతర్గత రక్తస్రావం జరిగిందని.. ఇందు కోసం ఆయనకు అత్యవసర శస్త్రచికిత్స చేసినట్లు జూన్ 16న వెల్లడించారు వైద్యులు. సర్జరీ విజయవంతమైనట్లు తెలిపారు. ఆ తర్వాత ఊపిరితిత్తులు, మూత్రపిండాలు, కాలేయంలో సమస్యలు ఉత్పన్నమయిన కారణంగా ఆయనను వెంటిలేటర్పై ఉంచి చికిత్స అందించారు.
