కార్పొరేట్ పన్ను రేట్లు తగ్గించడానికి తోడ్పడే ఆర్డినెన్స్ను భర్తీ చేసే బిల్లుకు లోక్సభ ఆమోదం తెలిపింది. ఈ మేరకు 2019-పన్ను చట్ట సవరణ బిల్లుకు పార్లమెంట్ దిగువసభ పచ్చజెండా ఊపింది. 1961 ఆదాయపు పన్ను చట్టం, 2019 ఆర్థిక చట్టాలను తాజా బిల్లు సవరించనుంది.
ఆర్థిక వ్యవస్థకు చేయూతనివ్వడానికి కేంద్రం సెప్టెంబర్లో కార్పొరేట్ పన్నులను 10శాతం తగ్గించింది. ఈ మేరకు రాష్ట్రపతి ఆర్డినెన్స్ జారీ చేశారు. సాధారణ కార్పొరేట్ పన్నులను 30 నుంచి 22 శాతానికి పరిమితం చేసింది. నూతనంగా ఏర్పాటైన తయారీ సంస్థలకు పన్నురేటును 25 నుంచి 15శాతానికి తగ్గించింది.
తాజా బిల్లు చట్టంగా మారిన తర్వాత రాష్ట్రపతి ఆర్డినెన్స్ను భర్తీ చేయనుంది.
ఇదీ చూడండి: రూ.100 లంచం అడిగిన అధికారులపై సీబీఐ కేసు
