లాక్డౌన్ కారణంగా కేంద్ర, రాష్ట్ర ప్రభుత్వాలు ఆర్థికంగా భారీగా నష్టపోతున్నాయి. కరోనా నష్టాలను భర్తీ చేసుకునేందుకు పెట్రోల్ ధరలు పెంచాలని నిర్ణయించింది అసోం ప్రభుత్వం. పెరిగిన ధరలు నేటి అర్ధరాత్రి నుంచి అమలవుతాయని తెలిపింది.
ధరలు ఇలా..
అసోంలో పెంచిన ధరలు పెట్రోల్ లీటరు రూ. 71.61 నుంచి 77,46కు పెంచగా, డీజిల్ ధరలు రూ.65.07 నుంచి 70.50కు పెంచారు. ఈ ధరలు నేటి అర్ధరాత్రి నుంచి అమలవుతున్నాయి.
" కరోనా వైరస్ వల్ల ఆర్థికంగా చాలా నష్టం వాటిల్లింది. ఈ నష్టాన్ని భర్తీ చేసేందుకు ఇంధన ధరలు పెంచాం. అయితే ఇవి తాత్కాలికమే. కరోనా వ్యాప్తి తగ్గిన తర్వాత దీని గురించి మళ్లీ చర్చిస్తాం. "
-- హిమంత బిస్వా శర్మ, ఆర్థిక, ఆరోగ్య శాఖ మంత్రి
ఇదీ చదవండి: కేంద్రం ఆరోపణలు అవాస్తవం: బంగాల్ సర్కార్
