బాంబుదాడులు జరుపుతామని జైషే బెదిరింపు లేఖ!

దేశంలోని ప్రధాన నగరాలు ముంబయి, చెన్నై, బెంగళూరు రైల్వే స్టేషన్లలో బాంబు దాడులు జరుపుతామని జైషేమహ్మద్​ ఉగ్రవాద సంస్థ పేరుతో లేఖ అందినట్లు పోలీసులు తెలిపారు.

భారత్​లో వరుస బాంబు పేలుళ్లకు వ్యూహం రచించినట్లు పాకిస్థాన్​కు చెందిన జైషే మహ్మద్​ ఉగ్రవాద సంస్థ పేరుతో లేఖ అందినట్లు ఛండీగఢ్​ పోలీసులు తెలిపారు.

అక్టోబరు 8న ముంబయి, చెన్నై, బెంగళూరు, రాజస్థాన్ , హరియాణా సహా దేశంలోని పలు ప్రధాన రైల్వే స్టేషన్లలో బాంబు దాడులు జరుగుతాయని రోహ్​తక్ రైల్వే పోలీసులకు అందిన లేఖలో ఉన్నట్లు అధికారులు వెల్లడించారు. శనివారం అందిన ఈ లేఖ హిందీలో ఉందని చెప్పారు. ఈ విషయంపై విచారణ జరుగుతున్నట్లు పేర్కొన్నారు.

ఇదీ చూడండి:శ్రీనగర్​లో స్వేచ్ఛగా తిరుగుతున్న ఉగ్రమూకలు!