కేరళ మలప్పురంలో కన్న కుమార్తెలను లైంగికంగా వేధించిన తండ్రిని అరెస్ట్ చేశారు పోలీసులు. మలప్పురం వాలెంచెర్రీ గ్రామంలో ఉంటున్న ఓ వ్యక్తి తన నలుగురు కుమార్తెలను లైంగికంగా వేధించాడు. పేదరికం కారణంగా 10 నుంచి 17 ఏళ్ల లోపు వయసున్న ఆ నలుగురు అక్కచెల్లెళ్లు పెరితల్మన్నాలోని ఓ సేవా సంస్థ పాఠశాలలో చదువుకుంటున్నారు.
అయితే చిన్న కూమార్తె తండ్రి తనపట్ల ప్రవర్తిస్తోన్న తీరును బడిలో ఉపాధ్యాయురాలికి చెప్పుకుంది. 47 ఏళ్ల తండ్రి ఎన్నో ఏళ్లుగా బాలికలను లైంగికంగా వేధిస్తున్నాడని తెలిసింది. అలా ఆ కామాంధుడి విషయం బయటపడింది. పాఠశాల యాజమాన్యం బాలల రక్షణ విభాగంలో ఫిర్యాదు చేసింది.
అయితే.. ఈ విషయం ఇప్పటి వరకు తల్లికి తెలియదని బాలికలు తెలిపారు. పోక్సో చట్టం కింద నాలుగు కేసులు నమోదు చేసి నిందితుడ్ని అదుపులోకి తీసుకొని విచారణ చేపట్టారు పోలీసులు.
ఇదీ చదవండి:రూ.3 కోట్ల విలువైన వజ్రాలతో కార్మికుల పరారీ
