కర్ణాటక ప్రభుత్వం గురువారం రాష్ట్రవ్యాప్తంగా 'మాస్క్డే'ను నిర్వహించేందుకు సన్నద్ధమైంది. వైరస్ వ్యాప్తిని అరికట్టేదిశగా.. మాస్క్లు, శానిటైజర్, సబ్బుతో చేతుల్ని శుభ్రపరచుకోవడం, భౌతిక దూరం పాటించే విషయాలపై ప్రజల్లో అవగాహన పెంచడమే దీని ప్రధాన ఉద్దేశం.
50 మందికి మించకుండా..
రాష్ట్ర ప్రభుత్వ ప్రధాన కార్యదర్శి టీఎం విజయ భాస్కర్ ఈమేరకు అన్ని జిల్లా, తాలుకా స్థాయి అధికారులతో చర్చించి ?ఈ నిర్ణయం తీసుకున్నారు. మాస్క్ డే సందర్భంగా నిర్వహించే అవగాహన ర్యాలీలో.. ప్రజా ప్రతినిధులు, ఉన్నతాధికారులు, వైద్య సిబ్బంది పాల్గొననున్నారు. ఒక్కోచోట 50 మందికి మించకుండా.. ప్రతి ఒక్కరూ విధిగా మాస్కులు ధరించి ర్యాలీ నిర్వహించేలా చర్యలు చేపట్టనున్నారు అధికారులు.
మాస్క్ లేకుంటే జరిమానా!
మాస్క్ డే నిర్వహణకు సానుకూలంగా స్పందించిన ఆ రాష్ట్ర ముఖ్యమంత్రి యడియూరప్ప.. ప్రతి ఒక్కరూ తప్పనిసరిగా మాస్కులు ధరించి, భౌతిక దూరం నిబంధనల్ని పాటించాలని సూచించారు. నిబంధనలు ఉల్లంఘించిన వారిపై కఠిన చర్యలు తీసుకోవడం సహా.. రూ. 200 జరిమానా విధించనున్నట్లు తెలిపారు.
ఇదీ చదవండి: దేశంలో ఒక్కరోజులో 2003 కరోనా మరణాలు
