దక్షిణాదిన 'కర్ణాటక ప్రదేశ్ కాంగ్రెస్ కమిటీ'ని రద్దుచేస్తూ ఏఐసీసీ నిర్ణయం తీసుకుంది. అయితే పార్టీ అధ్యక్షుడు, కార్యనిర్వాహక అధ్యక్షుడు ఎప్పటిలాగే కొనసాగుతారని స్పష్టం చేసింది. అంతర్గత విబేధాలు, అసమ్మతి కారణంగానే ఈ నిర్ణయం తీసుకున్నట్లు తెలుస్తోంది.
"ప్రస్తుత కర్ణాటక ప్రదేశ్ కాంగ్రెస్ కమిటీని రద్దు చేయాలని ఏఐసీసీ నిర్ణయించింది. పార్టీ అధ్యక్షుడు, కార్యనిర్వహక అధ్యక్షుడు మాత్రం కొనసాగుతారు."
- కేసీ వేణుగోపాల్, ఏఐసీసీ ప్రధాన కార్యదర్శి
లోక్సభ ఎన్నికల్లో ఓటమి అనంతరం కర్ణాటక కాంగ్రెస్లో అంతర్గత విబేధాలు, అసమ్మతి పెరిగాయి. మిత్రపక్షం జేడీఎస్తో సమన్వయం విషయంలోనూ ఇబ్బందులు ఎక్కువయ్యాయి. ఈ పరిణామాల మధ్య... కర్ణాటకలో సంకీర్ణ ప్రభుత్వం ఎక్కువ కాలం కొనసాగదని ప్రత్యర్థి వర్గాలు జోరుగా ప్రచారం చేస్తున్నాయి. పరిస్థితిని చక్కదిద్దే ప్రయత్నాల్లో భాగంగా రాష్ట్ర కమిటీ పునర్ వ్యవస్థీకరణకు పూనుకుంది కాంగ్రెస్ అధిష్ఠానం.
ఇదీ చూడండి: స్పీకర్గా బిర్లా ఎన్నికవడం గర్వకారణం : మోదీ
