భారత్- చైనా రెండవ ఉన్నత స్థాయి సమావేశాల కోసం భారత విదేశాంగ మంత్రి జయశంకర్ నేడు డ్రాగన్ దేశం వెళ్లనున్నారు. ఈ సమావేశంలో అన్ని రంగాల్లో ఇరు దేశాల పరస్పర సహకారంపై చర్చించనున్నారు. మెుదటి సమావేశంలో జరిగిన ఒప్పందాల పురోగతిపై సమీక్షిస్తారు.
ఈ సమావేశంలో ఇరు దేశాల మధ్య పర్యాటకం, సినిమా, మీడియా, ఆటలు సహా అన్ని రంగాల్లో ఇరు దేశాల పరస్పర సహకారంపై చర్చించేందుకు ఈ సమావేశం వేదిక కానుంది.
-విదేశీ వ్యవహారాల మంత్రిత్వశాఖ
ఈ సమావేశం ద్వారా భారత ప్రధాని నరేంద్ర మోదీ, చైనా అధ్యక్షుడు షి జిన్పింగ్ తరువాతి భేటీకి రంగం సిద్ధం చేయనున్నారు జయ్శంకర్.
కశ్మీర్ విషయం
కశ్మీర్ విషయంలో పాక్, భారత్తో దౌత్య సంబంధాలు రద్దు చేసుకున్న తర్వాత జయశంకర్ చైనాలో పర్యటించడం ప్రాధాన్యం సంతరించుకుంది. ఇటీవల కశ్మీర్పై భారత్ నిర్ణయాన్ని చైనా వ్యతిరేకించింది. పాక్ విదేశాంగ మంత్రి మహమూద్ ఖురేషి చైనా పర్యటనకు వెళ్లి కశ్మీర్పై ఐరాసలో డ్రాగన్ మద్దతు కోరారు.
ఇదీ చూడండి:కర్ణాటక: ప్రాణాల కోసం సాహసం చేయాల్సిందే.!
