జమ్ముకశ్మీర్ మాజీ ముఖ్యమంత్రి, పీడీపీ అధ్యక్షురాలు మెహబూబా ముఫ్తీ గృహ నిర్బంధాన్ని మరో మూడు నెలలు పొడిగించింది ప్రభుత్వం. ప్రజా భద్రత చట్టం కింద ఆమెకు విధించిన నిర్బంధ గడువు ఆగస్టు 5న ముగుస్తుండటం వల్ల ఈ మేరకు నిర్ణయం తీసుకుంది జమ్ముకశ్మీర్ పరిపాలనా విభాగం. ఇందుకు సంబంధించిన ఉత్తర్వులు జారీ చేసింది.
ఆర్టికల్ 370 రద్దుకు ముందు శాంతిభద్రతల దృష్ట్యా జమ్ముకశ్మీర్లోని వందలాది మంది రాజకీయ నేతలకు నిర్బంధం విధించింది ప్రభుత్వం. ఫరూఖ్ అబ్దుల్లా, ఆయన కుమారుడు ఒమర్ అబ్దుల్లా కొన్ని నెలల నిర్బంధం అనంతరం విడుదలయ్యారు.
