జమ్ముకశ్మీర్ సచివాలయంలో శుక్రవారం నుంచి యథావిథిగా విధులు నిర్వహించాలని ఆ రాష్ట్ర గవర్నర్ సత్యపాల్ మాలిక్ ఆదేశాలు జారీ చేశారు. ఇతర అన్ని ప్రభుత్వ కార్యాలయాల్లోనూ రాష్ట్ర ప్రభుత్వ ఉద్యోగులు విధులకు హాజరుకావాలని సూచించారు.
కశ్మీర్లో భద్రతా పరిస్థితులపై స్వాతంత్ర్య వేడుకల అనంతరం అధికారులతో సమీక్ష నిర్వహించిన తర్వాత ఈ నిర్ణయం తీసుకన్నారు సత్యపాల్. శుక్రవారం నమాజ్ వేళల అనంతరం పరిస్థితిని గమనించాక ఇతర ఆంక్షల ఎత్తివేతపై నిర్ణయం తీసుకునే వీలుదందని రాజ్భవన్ అధికార ప్రతినిధి చెప్పారు. నిన్న కశ్మీర్లో స్వాతంత్ర్య వేడుకలు ప్రశాంతంగా జరిగినట్లు తెలిపారు. ఎలాంటి అవాంఛనీయ ఘటనలు జరగలేదన్నారు.
గురువారంతో ముగిసిన అమర్నాథ్ యాత్రపైనా సమీక్ష నిర్వహించారు సత్యపాల్. 3.30లక్షల మంది భక్తులు పవిత్ర లింగాన్ని దర్శింకున్నట్లు రాజ్భవన్ అధికారి తెలిపారు.
ఇదీ చూడండి: 'కశ్మీర్'సంబంధిత పిటిషన్లపై సుప్రీం విచారణ వాయిదా
