రాజేంద్ర నారాయణ్ సింగ్ దేవ్ కుమారుడు... అనంగ్ ఉదయ్ సింగ్ దేవ్. ఆయన మాజీ మంత్రి, మాజీ ఎంపీ, అధికార బిజూ జనతా దళ్ ఉపాధ్యక్షుడు. బలాంగిర్ శాసనసభ స్థానానికి 1990 నుంచి జరిగిన ఎన్నికల్లో వరుస విజయాలు సాధించారు. 2014లో మాత్రం కాంగ్రెస్ అభ్యర్థి చేతిలో ఓడిపోయారు.
ఇదీ చూడండి:అన్నీ మాట్లాడతా... ఆ ఒక్కటి మినహా!'
ప్రస్తుతం ఒడిశాలో లోక్సభతో పాటే శాసనసభకూ ఎన్నికలు జరుగుతున్నాయి. అనంగ్ ఉదయ్ సింగ్ దేవ్ కుమారులు ఇద్దరూ పోటీచేస్తున్నారు. ఒకరు లోక్సభకు, మరొకరు శాసనసభకు. పెద్దాయనకు ప్రత్యర్థి వారి బంధువే కావడం విశేషం.
బలాంగిర్ లోక్సభ స్థానం...
అనంగ్ ఉదయ్ సింగ్ దేవ్ కుమారుడు కలికేశ్ నారాయణ్ సింగ్ దేవ్ బలాంగిర్ సిట్టింగ్ ఎంపీ. 2009, 2014 ఎన్నికల్లో ఆయన విజయం సాధించారు. ఇప్పుడు మరోమారు అదే స్థానం నుంచి బీజేడీ టికెట్పై పోటీకి దిగారు.
కలికేశ్కు ప్రత్యర్థి ఆయన వదిన సంగీతా సింగ్ దేవ్. 1998, 99, 2004లో జరిగిన లోక్సభ ఎన్నికల్లో బలాంగిర్ స్థానం నుంచి భాజపా అభ్యర్థిగా గెలిచారామె. 2009, 2014లో కలికేశ్ చేతిలో ఓడిపోయారు. ఇప్పుడు మరోమారు కమలం గుర్తుపై కలికేశ్పై పోటీకి దిగారు సంగీత.
ఐదేళ్లలో బీజేడీ ప్రభుత్వం చేసిన మంచి పనులే తనను గెలిపిస్తుందని ధీమాగా ఉన్నారు కలికేశ్.
శాసనసభ బరిలోనూ వారే....
అన్న కలికేశ్ బలాంగిర్ లోక్సభ స్థానానికి పోటీ చేస్తుంటే.... తమ్ముడు అర్కేశ్ నారాయణ్ సింగ్ దేవ్ బలాంగిర్ శాసనసభ నియోజకవర్గం నుంచి బరిలో దిగారు. అర్కేశ్ ఎన్నికల్లో పోటీ చేయడం ఇదే తొలిసారి.
ఆ పక్కనే ఉన్న పట్నాగఢ్ స్థానం నుంచి సంగీత భర్త కనక్ వర్ధన్ సింగ్ దేవ్ బరిలో దిగారు. కనక్ వర్ధన్ ప్రస్తుతం భాజపా శాసనసభాపక్ష నేత. రాష్ట్ర మాజీ మంత్రి. ఆయన పట్నాగఢ్ సిట్టింగ్ ఎమ్మెల్యే.
రాజకుటుంబీకుల పోరులో ఎవరు అంతిమ విజేతలో మే 23న తేలనుంది.
ఇవీ చూడండి:
